Kulturdepartementet er ikkje nøgd med Høgskolen i Narvik og bed no om at skulen tar affære og følgjer mållova, slik dei er pålagde.
Allereie i 2007 fekk høgskulen refs for dårleg handheving av mållova, og no, fire år etter, er ikkje tilstanden så mykje betre. Skulen er ikkje gode nok på bruk av nynorsk i sin korrespondanse, og dei har heller ikkje lever rapport om målbruk for 2010, slik lova krev. Det skriv avisa Fremover i dag.
No lovar høgskulen betring. Administrerande direktør Bjørnar Storeng ved HiN seier til avisa at han ikkje synest stoda er så gale som departementet framstiller det. Skjema på nettsidene til skulen finst i båe målformer og e-post som kjem på nynorsk får svar på nynorsk. Men når det gjeld lengre brev så har skulen eit forbetringspotensiale, seier han, og lovar at departementet skal få ei tiltaksliste frå skulen innan 15. desember.
