Heim Nyhende Tajik blæs liv i leselystaksjonen

Tajik blæs liv i leselystaksjonen

 

Kulturminister Hadia Tajik (Ap) vil lokke fleire unge til å lese, difor lanserer ho ein eigen leselyststrategi.

 

 Med strategien for leselyst vil Tajik blåse nytt liv i arbeidet med å etablere gode lesevanar i tidleg alder.

– Å lese er ei kjelde til personleg utvikling og underhaldning, og lesing opnar dessutan moglegheita til å ta deli den offentlege debatten. Å lese er ei demokratisk handling, seier Tajik.

Leselyststrategien er ein del av leseløftet 2010-2014, som samlar ulike nasjonale tiltak for lesing og formidling av litteratur. Kulturministeren har fått innspel til strategien frå aktørar som Kulturrådet, Dysleksi Norge, Forfatterforeningen og Nasjonalt lesesenter.

Nye prosjekt
Leselystaksjonen har 1,2 millionar kroner som skal brukast til nye prosjekt som skal fremje leselyst hjå barn. Tajik fekk gjennomslag for dei nye midla i revidert statsbudsjett i mai i år.

– Pengane skal gå til lesetiltak retta mot barn og unge. Vi etterlyser nye initiativ. Her er det moglegheit til å vere kreativ, seier Tajik.

Søknadsfristen for aktuelle prosjekt er 23. august.

Bøker & fotball
Leselyststrategien har også 1,55 millionar kroner tilgjengeleg for å vidareutvikle to leseprosjekt som allereie finst. «Hat trick» er eit tiltak kor bibliotekarar tek med seg bøker inn i fotballgarderobane for å vekkje leselysten hjå sportsinteresserte barn og unge. «Bok til alle» formidlar bøker til barn, unge og vaksne som har problem med lesing.

Tajik seier at leselyststrategien også er meint å samordne det som finst av allereie etablerte lesetiltak, og å stimulere foreldre som lesande førebilete. (©NPK)

 

NYNORSK INSPIRASJON

SPRÅKBRUKSPLANAR

Meir enn 30 av LNK sine medlemskommunar har vedteke eigne språkbruksplanar – eller målbruksplanar som dei ofte vart kalla før. Dei fleste planane byggjer...

Tilbyr digitalt språkkurs for kommunetilsette

Øygarden kommune har utarbeidd eit digitalt språkkurs som handlar om grunnleggjande nynorsk grammatikk og oppgåver undervegs. Kurset er lagt inn i KS Læring. Deltakarane vert...

Klar med nynorskkurs for lærarar

Kurset er laga for at lærarar som skal bruka nynorsk og undervisa i nynorsk skal bli trygge nynorskbrukarar. På oppdrag frå Bergen kommune har Nynorskkommunane...

Kurstilbod for skular og barnehagar

Arbeidet for å styrkja språkopplæringa i det offentlege er ei prioritert oppgåve for Landssamanslutninga av nynorskkommunar (LNK). Kursa våre blir administrerte og gjennomførte av Fretland...

Språklova: Dette er dei viktige paragrafane for nynorskkommunane

Frå og med 1. januar 2022 er nynorsk og bokmål formelt jamstilte og likeverdige språk på alle samfunnsområde. Formålet med lova er...

Har kommunen din levert høyringssvar om ny opplæringslov?

Arbeidet med ny opplæringslov er svært viktig for nynorskelevane og nynorskkommunane. LNK oppmodar alle medlemskommunane sine om å setja tydelege krav til...

MEST LESE

– Éin nynorskmillion er ikkje nok

– Det er avgjerande at Teater Vestland får auka tilskot i ei krevjande tid, men Støre-regjeringa har samla sett ikkje levert godt nok for...

Jublar over nynorskstøtte

Nynorsk bedriftsforum er tildelt 950 000 kroner frå spelemidlane for 2025. Midlane er fordelte av Kultur- og likestillingsdepartementet og skal gå til vidare utvikling...

Trond (39) er tilsett i LNK – skal styrka nynorsk i skulen i Rogaland

Landssamanslutninga av nynorskkommunar har tilsett Trond Salte (39) for å få fart på prosjektet «Meir mål på Jæren». – Det er makelaust gildt! seier Trond...

Årsrapport for LNK 2023–2024

Annakvart år, i samband med årsmøtet og landstinget i LNK, legg organisasjonen fram ei fyldig årsmelding og revidert rekneskap for dei siste to driftsåra....