Lokalavisa Bømlo-nytt etterlyser meir nynorsk i kommunen.
– Me saknar fokus på det nynorske språket i Bømlo kommune, skriv avisa Bømlo-nytt på leiarplass.
Dei legg samstundes vekt på at saksdokument og andre offentlege dokument som vert skrivne i Bømlo kommune framleis er på nynorsk, men ettersom fleire kommunale førtak vert sett ut, blir også det nynorske språket i følgje avisa meir og meir utvatna.
Dei peikar til prisen Årets nynorskkommune som Kommunal – og regionaldepartementet i samarbeid med LNK deler ut til kommunar som ynskjer å stimulere til god nynorskbruk.
Les også: Kven blir Årets nynorskkommune 2012?
– Me vil oppmode politikarane våre om å hente fram den gamle målbruksplanen, gå gjennom og revidere han. Set fokus på det nynorske språket og kulturen i Bømlo. Om det er slik at denne prisen til beste nynorskkommune skal stimulere til betre nynorskbruk i kommunane, bør Bømlo få søknaden av garde med ein gong, skriv avisa.
