Fylkeskommunen tar no initiativ til å etablere eit nynorsk forum i Sogn og Fjordane.
Hovudoppgåva til forumet vert å følgje språkutviklinga i fylket, og setje søkjelys på aktuelle språklege problemstillingar, skriv fylkeskommunen på sine nettsider. Vedtaket om å opprette eit nynorsk forum vart gjort av fylkestinget 5. juni.
Les også: Det nynorske grunnfjellet
Fylkestinget skal også delta i forumet, og valde Jan Olav Fretland som fylkeskommunen sin representant.
– Det er eit mål å forankre forumet breitt og på tvers av sektorar. Dette er viktig for å byggje eit slagkraftig organ som evnar å “ta pulsen”. Aktuelle målgrupper er kommunesektoren, utdanningsinstitusjonar, næringslivet, arbeidstakarorganisasjonar og media, skriv fylkeskommunen.
Fylkestinget vedtok også at fylkeskommunen skal bidra til å markere Språkåret 2013.
