Heim Nyhende Vil ha tynnare læreplan

Vil ha tynnare læreplan

Ny utgreiing stakar ut kursen for skulen i framtida.

 

I dag, måndag, fekk kunnskapsminister Torbjørn Røe Isaksen hovudrapporten frå Ludvigsen-utvalet. I rapporten påpeiker utvalet at skulen må fornya seg i takt med at samfunnet endrar seg.

Utvalet ønskjer meir djupne og mindre breidde og færre særinteresser i læreplanen.

– Samfunnet endrar seg raskt, og dette må reflekterast i innhaldet i skulen. Utvalet vektlegg fagkompetanse og kompetanse som er viktige i mange fag, som å kunne læra, kommunisera, samarbeide, delta, utforska og skapa, seier utvalsleiar Sten Ludvigsen i ei pressemelding.

– Ulike fagområde endrar seg raskare enn tidlegare. Fagfornyinga må ta omsyn til at utviklinga av forståinga til elevane tek tid, seier han.

Kunnskapsministeren takkar utvalet for innsatsen.

– No ser eg fram til å setta meg inn i rapporten. Eg vil også takka utvalet for at dei har vore så opne med sitt arbeid undervegs og bidratt til å løfta ein viktig debatt om skulen i framtida, blant anna ved aktiv bruk av sosiale medium, seier han.

LES OGSÅ: Vil fjerna tidstjuvar i skulen

– Lovar godt
– Utvalet peikar ut retninga i skuledebatten framover, utan å foreslå detaljerte tiltak eller ei konkret reform, og det trur eg er klokt, seier Ragnhild Lied, leiar i Utdanningsforbundet.

Lied seier at ho av heile lærarhjartet sitt støttar den breie forståinga av kompetanse som utvalet lanserer.

– Skal me lukkast med å førebu barn og unge på framtida må me ha ein skule som ser og utviklar heile mennesket. Eg ser på mange av forslaga frå utvalet som eit bidrag for å revitalisera dei breie samfunnsmandata til skulen, seier Lied i ei pressemelding.

Utvalet legg opp til at det i skulen i framtida meir skal vera eit samspel mellom kompetansen til eleven i sjølve faga og kompetanse i kommunikasjon, samarbeid, kreativitet og i det å læra.

LES OGSÅ: Karakter-jag skaper færre gründerar

Problemløysing
Kompetansar som kreativitet, innovasjon, kritisk tenkning og problemløysing blir sett på som kompetansar skulen bør bidra til å utvikla.

Ungt Entreprenørskap støttar utvalet sine tilrådingar og er glade for den tydelege plassen desse framtidskompetansane har fått i rapporten frå utvalet.

– Kreativitet og innovasjon er ikkje teoretiske øvingar. Me meiner at samhandling mellom skulen og arbeidslivet er viktig for å gjera læringa verkelegheitsnær og skulen relevant, seier Tor Kåpvik, fung. administrerande direktør i Ungt Entreprenørskap Norge.

– Me veit ikkje kva me skal leva av i framtida, men me veit kven me skal leva av. Skulen i framtida må vera verkelegheitsnær. Her må skuleeigarar og skuleleiarar kjenna besøkelsestida si og saman med arbeids- og næringsliv leggja til rette for entreprenørskap i utdanninga, held Kåpvik fram.

NYNORSK INSPIRASJON

Kurstilbod for skular og barnehagar

Arbeidet for å styrkja språkopplæringa i det offentlege er ei prioritert oppgåve for Landssamanslutninga av nynorskkommunar (LNK). Kursa våre blir administrerte og gjennomførte av Fretland...

Språklova: Dette er dei viktige paragrafane for nynorskkommunane

Frå og med 1. januar 2022 er nynorsk og bokmål formelt jamstilte og likeverdige språk på alle samfunnsområde. Formålet med lova er...

Har kommunen din levert høyringssvar om ny opplæringslov?

Arbeidet med ny opplæringslov er svært viktig for nynorskelevane og nynorskkommunane. LNK oppmodar alle medlemskommunane sine om å setja tydelege krav til...

Nytt samarbeid skal styrka nynorsken i barnehagane

Pirion og Sunnfjord kulturskule har laga til ei digital kursrekkje som skal hjelpa til med å styrkja nynorskarbeidet i barnehagane.

Seks fine julebøker på nynorsk

Mange skular og barnehagar bruker adventstida til høgtlesing kvar dag. Her får du tips til fleire gode bøker på nynorsk med god...

Vil gi utviklingsstøtte til fleire nynorske produksjonar i Den kulturelle skulesekken

Kulturtanken, Seanse, Høgskulen i Volda og fleire fylkeskommunar samarbeider om å få meir nynorsk i Den kulturelle skulesekken i ei heilt ny...

MEST LESE

LNK om ny opplæringslov: – Stortinget må sikra meir nynorsk i skulen

Nynorskkommunane (LNK) er glad for at regjeringa vil lovfesta at skulen skal ha skriveprogram som støttar nynorsk, men meiner lova må oppdaterast for å...

Mållaget: – Ny opplæringslov forsterkar den digitale læremiddelkrisa for nynorskelevane

– Situasjonen i nynorskklasseromma er alvorleg. Det sit over 73 000 nynorskelevar ved pultane sine og må bruke digitale læringsressursar på feil språk, seier...
Vidaregåande skule

Føreslår å fastsetja hovudmål på vidaregåande skular

I forslaget til ny opplæringslov føreslår regjeringa fleire større og mindre endringar til språk på skulane. Departementet føreslår blant anna: å vidareføra at kommunen skal...

Frieriet i Todalen – kva skjer med Vangsgutane no?

Vi har intervjua tekstforfattar Kjartan Helleve om dei siste hendingane rundt teikneseriefigurane Vangsgutane, som kom fram i siste utgåva om dei ved juletider. Faste...