Lakselusa i Ryfylke, Nord-Jæren og Jæren-området har blitt stadig meir resistente mot medikamenta ein bruker for å bekjempe dei. I tillegg er det store oppdaga mengder lakselus på villfisk.
Som eit ledd i kampen mot lakselus utarbeider Mattilsynet forslag til soneforskrifter i dei områda kor dei generelle tiltaka i nasjonal luseforskrift ikkje har hatt god nok effekt. Mattilsynet har nå sendt forslag til soneforskrift mot lakselus i Ryfylke ut på høyring.
Det er allereie innført soneforskrift for Hardanger og for delar av Nord- og Sør-Trøndelag.
Høyringa frå Mattilsynet omfattar forslag til forskrift om sone for å forebyggje og bekjempe lus i akvakulturanlegg i kommunane Stavanger, Klepp, Sandnes, Sola, Randaberg, Gjesdal, Forsand, Strand, Rennesøy, Kvitsøy, Finnøy, Hjelmeland, Suldal, Sauda, Vindafjord , Tysvær, Bokn, Karmøy, Utsira og Haugesund.
Mattilsynet er uroa over utviklinga og dei konsekvensane den aukande medikamentresistansen og dei store mengdene lakselus på villfisk kan ha på bestandane av villfisk i området. I tillegg kan lakselus også bli eit helse- og velferdsproblem for oppdrettslaksen.
Forslaget til soneforskrift inneheld mellom anna bestemmelsar om:
• Fastsetjing av lusekoordineringsområde/ område for koordinert brakklegging
• Tiltaksgrense for enkeltanlegg i sona
• Oppsamling og destruksjon av lakselus og eggstrenger frå avløpsvatn frå slakteri
• Krav til samarbeid om avlusing
• Elektronisk registrering av data
Høringsfristen er sett til den 1. juni 2011. Les meir om denne saka her.
