Heim Nyhende Widvey: UiO må fullføre Norsk Ordbok

Widvey: UiO må fullføre Norsk Ordbok

Universitetet i Oslo seier at dei ikkje har folk til å ferdigstilla Norsk Ordbok-rettleiinga dei har fått 400.000 kroner for å laga.

 

Mens påtroppande språkdirektør og prosjektleiar Åse Wetås saman med dei fem medarbeidarane ho har igjen i Norsk Ordbok i haust gjer ferdig siste bindet av det store oppslagsverket Norsk Ordbok, vil ikkje UiO lage brukarrettleiinga til verket. I eit brev til Kulturdepartementet skriv universitetet no at dei ikkje har bemanning til det.

Rettleiinga har dei før søkt om ekstra pengar til å lage, og departementet har løyvd 400.000 kroner til føremålet.

– Sidan dette prosjektet vart sett i gang i 2002, har det kosta staten utruleg mange pengar. Det er sterkt beklageleg at universitetet ikkje ser seg i stand til å prioritere arbeidet med ei brukarrettleiing heilt i sluttfasen, seier Thorhild Widvey (H) til Klassekampen.

Om ikkje universitetet kan klare dette sjølv, må dei finne andre som kan gjere det innan årsskiftet, krev kulturministeren.

LES OGSÅ: Tilsette i Norsk Ordbok går til sak mot UiO

– Småleg
Det komplette tolvbindsverket med 300.000 norske dialektord og nynorskord skal lanserast i mars neste år, har kosta 130 millionar kroner å fullføre, men manglar altså ei brukarrettleiing.

Hovudredaktør for Norsk Ordbok Oddrun Grønvik synest UiO er smålege som ikkje vil lage brukarrettleiinga.

– Dette er ein type oppslagsverk på nett som vi ikkje har hatt maken til i Noreg før. Norsk Ordbok blir så uendeleg mykje rikare og komplekst enn tidlegare ordbøker med detaljerte opplysningskategoriar og kjeldetilvisingar som krev rettleiing, seier Grønvik til avisa.

LES OGSÅ: Skisse til løysing for språksamlingane og Norsk Ordbok

– Utanfor oppdraget
Leiar Kristian Emil Kristoffersen ved Institutt for lingvistikk og nordiske studium, som driv ordboksprosjektet, lover å gjere ferdig papirversjonen av Norsk Ordbok innan utgangen av året, som avtalt, men meiner ei separat rettleiing aldri har vore ein del av oppdraget.

– Det er mykje som har endra seg sidan vi søkte om desse pengane. Vi har måtta gjere ei fortløpande vurdering av kva ressursar vi har til rådvelde, seier Kristoffersen.

Universitetet i Oslo sa i fjor frå seg ansvaret for ordboksprosjektet fordi dei heller ville reindyrke ambisjonen om å bli eit internasjonalt toppuniversitet. Når det tolvte bindet er ferdig, er framleis berre ein del av dei 300.000 oppslagsorda digitaliserte og søkbare på nett. Så langt har det ikkje lykkast å få til ei vidareføring av prosjektet i eit anna fagmiljø. (©NPK)

LES OGSÅ: Styreleiar for Norsk Ordbok går i protest

NYNORSK INSPIRASJON

Kurstilbod for skular og barnehagar

Arbeidet for å styrkja språkopplæringa i det offentlege er ei prioritert oppgåve for Landssamanslutninga av nynorskkommunar (LNK). Kursa våre blir administrerte og gjennomførte av Fretland...

Språklova: Dette er dei viktige paragrafane for nynorskkommunane

Frå og med 1. januar 2022 er nynorsk og bokmål formelt jamstilte og likeverdige språk på alle samfunnsområde. Formålet med lova er...

Har kommunen din levert høyringssvar om ny opplæringslov?

Arbeidet med ny opplæringslov er svært viktig for nynorskelevane og nynorskkommunane. LNK oppmodar alle medlemskommunane sine om å setja tydelege krav til...

Nytt samarbeid skal styrka nynorsken i barnehagane

Pirion og Sunnfjord kulturskule har laga til ei digital kursrekkje som skal hjelpa til med å styrkja nynorskarbeidet i barnehagane.

Seks fine julebøker på nynorsk

Mange skular og barnehagar bruker adventstida til høgtlesing kvar dag. Her får du tips til fleire gode bøker på nynorsk med god...

Vil gi utviklingsstøtte til fleire nynorske produksjonar i Den kulturelle skulesekken

Kulturtanken, Seanse, Høgskulen i Volda og fleire fylkeskommunar samarbeider om å få meir nynorsk i Den kulturelle skulesekken i ei heilt ny...

MEST LESE

– Den nye opplæringslova er ikkje god nok for nynorskelevane

Fredag 24. mars 2023 la Tonje Brenna fram forslag til ny opplæringslov. Norsk Målungdom synest det er fleire gode framlegg for nynorskelevane, men at...

Målblome til ålesundordførar Eva Vinje Aurdal

– Norske kommunar er viktige språkaktørar, og mellom 356 nyansar av kommunegrått har språket vårt både bøller og bestevener. Midt i det grå står...

LNK om ny opplæringslov: – Stortinget må sikra meir nynorsk i skulen

Nynorskkommunane (LNK) er glad for at regjeringa vil lovfesta at skulen skal ha skriveprogram som støttar nynorsk, men meiner lova må oppdaterast for å...

Mållaget: – Ny opplæringslov forsterkar den digitale læremiddelkrisa for nynorskelevane

– Situasjonen i nynorskklasseromma er alvorleg. Det sit over 73 000 nynorskelevar ved pultane sine og må bruke digitale læringsressursar på feil språk, seier...