Heim Blogg Side 6

Nynorskkurs for lærarar – økt 6: Å undervise i nynorsk

Svein Olav B. Langåker
-
0
Nynorskkurs for lærarar – økt 6: Å undervise i nynorsk

Førebuing: Les side 21–48 av Rett og godt

Å undervise i nynorsk

Di tryggare du er på nynorsken, di betre blir du i stand til å lære han bort
Ikkje overfokuser på grammatikk i starten, men la dei bli kjende med språket
Prøv å bruke språkbad-metoden, slik at elevane blir vane med nynorsken utan å måtte pugge grammatikk

Progresjon i undervisinga – metodikksirkelen:

Oppgåver:

1. Øving i komparativ metode, med utgangspunkt i talemålet:

Set opp eit komparativt skjema over aktuelle dialektformer for deg eller for elevane dine, samanlikna med nynorsk. Du kan òg ta med bokmål, viss du vil
Samanlikn med oppsettet til andre på gruppa viss de er fleire.

2. Øving i ulike måtar å laga oppgåver på:

Lag eit sett med øvingsoppgåver ut frå teksten i Rett og godt, side 41–45. Del dei gjerne inn i lette, middels og krevjande oppgåver.

Sjå tekstheftet for heile kurset her!

Nynorskkurs for lærarar – økt 7: Innspurt!

Svein Olav B. Langåker
-
0
Nynorskkurs for lærarar – økt 7: Innspurt!

Førebuing: Repeter dei ti skrivereglane for deg sjølv

Nyttige lenkjer vidare:

Nynorskordboka

Nynorsk øvingsrom frå Språkrådet

Minigrammatikk frå Språkrådet

Administrativ ordliste (bokmål–nynorsk) frå Språkrådet

Nynorsksenteret (kvalitetssikra ressursar til bruk i undervisinga):

Apertium (bokmål–nynorsk maskinomsetjing):

Framtida.no (nynorsk nettavis for unge):

Framtida Junior (nynorsk nettavis for born frå 9 til 13):

Oppgåver:

1. Skisser to alternative undervisningsopplegg i nynorsk for ei bestemt klasse som du kjenner. Ta gjerne med metodikksirkelen i planlegginga. Diskuter opplegga med kvarandre.

2.
a) Repeter dei 10 reglane
b) Løys oppgåvene på side 118–119 i Rett og godt
c) Ta oppatt kartleggingstesten på Nynorsk øvingsrom hjå Språkrådet. Sjekk framgangen din frå starten av kurset

Lukke til!
Jan Olav og Jostein,
Fretland & Fretland AS

Sjå tekstheftet for heile kurset her!

– Eit svik mot nynorskelevane 

Svein Olav B. Langåker
-
0
– Eit svik mot nynorskelevane 

Utdanningskomiteen har no lagt fram innstillinga si til ny opplæringslov. Trass i tydelege krav frå alle hald om at læringsressursar som er utvikla til bruk i skulen, må finnast både på nynorsk og bokmål, gjer fleirtalet i komiteen så godt som ingenting for nynorske læringsressursar.  

– Dette er svært skuffande og beint fram eit svik mot nynorskelevane, seier Synnøve Marie Sætre, senterleiar ved Nynorsksenteret.

Ei samla språkrørsle, lærarar, Utdanningsforbundet, læremiddelprodusentar, Språkrådet og ikkje minst over 120 ordførarar har kravd at læringsressursar utvikla til bruk i skulen må finnast på både nynorsk og bokmål.

Krev kartlegging

Med den nye opplæringslova har Stortinget sjansen til å betre den alvorlege læremiddelsituasjonen for nynorskelevane, men fleirtalet i komiteen bed berre om vidare kartlegging, trass i at behovet for nynorske læringsressursar allereie er skrikande.

– Det er ikkje intensjonar me treng no, me treng ei opplæringslov som sikrar reell rett til opplæring på eige språk, seier Synnøve Marie Sætre, senterleiar ved Nynorsksenteret.

– Ikkje tråd med offisiell språkpolitikk

Om ei veke skal opplæringslova handsamast i Stortinget. Senterleiaren ved Nynorsksenteret peikar på at dersom Stortinget ikkje vedtek eit språkkrav til læringsressursar, aksepterer dei at nynorskelevane har dårlegare vilkår for ei god opplæring i språket sitt enn bokmålselevane har.

– Det er svært alvorleg og slettes ikkje i tråd med offisiell språkpolitikk som seier at det offentlege har eit særleg ansvar for å fremje nynorsk. Me har bede om at nynorskelevar skal få den same retten til opplæring i eige språk som bokmålselevane har. Det er heilt utruleg at fleirtalet i utdanningskomiteen ikkje støttar det. No må Stortinget rydde opp, seier senterleiaren ved Nynorsksenteret.

Nynorsk-tap på Stortinget: – Ekstremt skuffande

Svein Olav B. Langåker
-
0
Nynorsk-tap på Stortinget: – Ekstremt skuffande

Utdanningskomiteen på Stortinget har i dag sagt nei til å sikre nynorske læringsressursar som er laga for skulen.

– Det er heilt uforståeleg at fleirtalet på Stortinget ikkje vil modernisere opplæringslova slik at ho vert tilpassa den digitaliserte framtida i skulen. Dette er eit stort tap for nynorsken, seier Peder Lofnes Hauge, leiar i Noregs Mållag.

– For over 50 år sidan vedtok Stortinget at læremiddel skulle kome til same tid og til same pris på nynorsk og bokmål. I ein skulekvardag med fleire og fleire appar bryt Stortinget no i praksis dette prinsippet, seier Peder Lofnes Hauge.

I utdannings- og forskingskomiteen fekk Ap og Sp med seg Høgre og FrP for å halde nynorskkravet ute av lova. Medan Raudt, SV og Venstre ynskte å vedta lovendring.

Både Utdanningsforbundet, Forleggerforeningen, Språkrådet, Nynorsksenteret, Noregs Mållag, Norsk Målungdom og 121 ordførarar i Noreg har bede om denne lovendringa.

– Det er ekstremt skuffande at Ap og Sp let private læremiddelprodusentar få sleppe å bry seg om dei to norske skriftspråka, framfor å stå side om side med nynorskelevane. Noregs Mållag har gjort sitt beste for å få regjeringspartia til å forstå alvoret, men har ikkje lukkast.

Skriv nynorsk på nynorskdagen 12. mai

Svein Olav B. Langåker
-
0
Skriv nynorsk på nynorskdagen 12. mai

– Vi utfordrar alle i Noreg til å skrive nynorsk i dag. Nynorsk er for alle, og på nynorskdagen er det lov å prøve, seier Peder Lofnes Hauge, leiar i Noregs Mållag og Tobias Christiansen Eikeland, leiar i Norsk Målungdom i ei pressemelding. 

12. mai i 1885 vedtok Stortinget å likestille nynorsk og bokmål. Vedtaket har sidan blitt kalla «jamstillingsvedtaket». Målungdomen og Mållaget har sendt ut utfordringar om å skrive nynorsk til både frivillige organisasjonar, privat næringsliv, ulike delar av kulturlivet og til departement, direktorat og fleire statlege verksemder.

– Vi vonar flest mogleg tek utfordringa, og at vi får sjå nynorsk frå alle kantar. Slik vil vi vise kor enkelt fleire kan få møte meir nynorsk i kvardagen, seier Peder Lofnes Hauge.

Tre millionar til nynorskbrukarane

Svein Olav B. Langåker
-
0
Tre millionar til nynorskbrukarane

Nynorsk kultursentrum får til saman tre millionar i eingangstilskot på revidert nasjonalbudsjett.

– Dette er svært! Desse midlane skal vi bruke klokt i tett samarbeid med andre nynorskinstitusjonar. Millionane vil kome nynorskbrukarar spesielt i utsette pressområde til gode, seier konstituert direktør Gaute Øvereng.

Nynorsk kultursentrum får to millionar knytt til prosjektet «Nynorsk som nasjonalt skriftspråk».

Samarbeider med LNK

I samarbeid med Landssamanslutninga for nynorskkomunar (LNK) og Nasjonalt senter for nynorsk i opplæringa (Nynorsk senteret) skal Nynorsk kultursentrum fremje nynorsk over heile landet med særskilt fokus på randsonene rundt kjerneområda for skriftspråket.

Gjennom kartlegging, forsking og utprøving av tiltak, vil ein finne ut kva ein kan gjere for å styrke bruken av nynorsk og den nynorske identiteten.

– Dette er gode nyhende, og viser at regjeringa forstår at det hastar med tiltak for å styrka nynorsken i randsonene og då spesielt tiltak retta mot nynorskelevane. Vi er glade for at desse midlane gjer det mogleg å setje i gang det viktige arbeidet med å betre vilkåra for å gi nynorskelevane ei god opplæring i språket sitt, seier leiar ved Nynorsksenteret Synnøve Marie Sætre og dagleg leiar i LNK Svein Olav B. Langåker.

Million til Vinjesenteret

I tillegg får Nynorsk kultursentrum ein million til Vinjesenteret i Vinje. Midlane skal gå til nynorsksatsing og forvalting og formidling av litterær kulturarv i regionen.

Stortingsrepresentant Åslaug Sem-Jacobsen frå Senterpartiet er ein av dei som har arbeidd hardt for å få ekstra pengar til Vinjesenteret. Ho meiner Vinjesenteret er ein viktig bidragsytar for nynorsk, og at det er viktig å verne om – og lyfte nynorsken.

– I eit stramt kulturbudsjett, er vi glade for at regjeringa legg merke til arbeidet vi gjer og ser kor viktig det er, avsluttar Gaute Øvereng.

Etter nokon krevjande år, med pandemi, krig i Europa og høg prisstiging har regjeringa no eit større handlingsrom, og kan bidra til enno meir verdiskaping innan kultur, idrett og frivilligheit heiter det i pressemeldinga om det reviderte nasjonalbudsjettet frå Regjeringa.

Nyheitsopplesar Vidar Eidhammer får mediemålspris

NPK
-
0
Nyheitsopplesar Vidar Eidhammer får mediemålspris

Vidar Eidhammer frå Vindafjord i Rogaland er journalist i NRK og får tildelt Alf Helleviks mediemålspris for 2022.

– Prisvinnaren har nærast blitt eit nynorsk varemerke, ein dagleg nynorsk-garantist i NRKs nyheitssendingar på radio, står det i omtalen frå juryen.

Prisen er på 25.000 kroner og har blitt delt ut sidan 1998. Han blir tildelt yngre, faste nynorskbrukarar i TV og radio, som legg vekt på å dyrke eit normalisert, nynorsk talemål.

Årets vinnar er Vidar Eidhammer og er fast tilsett som nyheitsopplesar i NRK. I grunngjevinga frå juryen blir korleis han handterer ei vanskeleg journalistisk form særleg trekt fram:

– Prisvinnaren må til dagen jobbe intenst med å gjere vanskelege saker forståelege i den aller kortaste, munnlege journalistiske sjangeren – bulletengen. Det er ein krevjande jobb, og Vidar Eidhammer meistrar denne oppgåva på ein framifrå måte. (©NPK)

Gaming-journalist får nynorskpris

NPK
-
0
Gaming-journalist får nynorskpris

Øystein Furevik frå Førde i Sunnfjord som jobbar i gamer.no er årets vinnar av Kultur- og likestillingsdepartementets nynorskpris for journalistar.

Frå juryen heiter det at Furevik sidan har 2002 skrive vel 1.900 meldingar og artiklar for nettstaden gamer.no, der tekstane både er grundige, lettlesne og fulle av humor. I grunngjevinga blir det først og fremst trekt fram standhaftig bruk av nynorsk i ei verd der det meste føregår på engelsk.

– I over 20 år har Furevik drive journalistisk nybrotsarbeid på eit område der det er lite norsk og minimalt med nynorsk. Det at Furevik er godt synleg i det viktigaste norskspråklege organet for ein stor og viktig kulturarena, er umåteleg verdifullt for nynorsken, skriv juryen.

Overraska

Sjølv vart han svært overraska over pristildelinga.

– Det var dagens sjokk, eg skjønte det ikkje heilt først. Dette er ei anerkjenning eg blir heilt rørt av. Eg er kjempestolt. Det er verkeleg stort for meg, seier Furevik.

Prisvinnaren seier han har fått mange reaksjonar for bruken av språket sitt. Særleg i starten fekk han mykje hets frå lesarane for å bruke nynorsk i tekstane sine.

Fått mykje tyn

– Lesarane var langt meir opptekne av at sakene var på nynorsk enn kva som stod i dei. Det gjekk så langt at ein av dei starta ei avstemming på eit nettforum. Heldigvis gjekk resultatet i min favør med god margin. Men det er klart eg har fått mykje tyn, både på nettforum og på e-post.

Kulturdepartementets nynorskpris for journalistar er på 75.000 kroner og eit kunstverk. Føremålet med prisen er å fremje bruk av nynorsk i media, og årleg ære ein dyktig journalist som brukar ein levande og god nynorsk, og som er eit føredøme for andre. Tidlegare vinnarar er mellom anna Linda Eide, Arill Riise, Harald Thingnes og Ronny Brede Aase. (©NPK)

Kommunalministeren kjem til landstinget til LNK – kjem kommunen din?

Svein Olav B. Langåker
-
0
Kommunalministeren kjem til landstinget til LNK – kjem kommunen din?

Landssamanslutninga av nynorskkommunar ønskjer velkommen til landsting i Sogndal 1.-2. juni på Quality Hotel Sogndal.

Landstinget til LNK blir arrangert annakvart år, og er ein viktig møteplass for nynorskkommunane. Målet vårt er at landstinget blir ein framtidsverkstad for nynorsk i kommunane. Landstinget opnar torsdag 1. juni klokka 10.

Me håpar du har høve til å koma slik at kommunen din blir representert!

Meld deg på her!

Sjå landstingsheftet her!

TORSDAG 1. JUNI

09.00   Registrering
10.00   Opning: Velkomen til Sogndal v/ordførar Arnstein Menes
10.10   Leiartale ved Svein Olav B. Langåker, dagleg leiar i LNK
10.25   Kulturell opning med Gunn Kvaale

Tema: Korleis kan kommunane nå dei unge?
10.45  Snakk med oss unge – så me vil flytta heim! Ved Anne Bratthammer, medlem i
ungdomsutvalet i Ryfylke

11.05  Kva kan kommunane gjera for å koma i dialog med dei unge? Med Anne Bratthammer, Gunn Kvaale m.fl. Samtaleleiar: Andrea Rygg Nøttveit

11.45  Korleis jobbar Framtida.no med å nå dei unge Innleiing ved Andrea Rygg Nøttveit, redaktør i Framtida.no

12.00  Lunsj

Tema: Robotane kjem! Korleis kan språkteknologi hjelpa kommunane?

13.00  Nynorskroboten og kva språkteknologi kan hjelpa kommunane ved Jo
Christian Oterhals, datautviklar ved NTB Arkitekst og tidlegare adm. dir. og redaktør VGTV

13.20  Klarspråk med hjelp av Chat GBT ved Jostein Avdem Fretland, språkkurshaldar for LNK

13.40  Språkleg tryggleiksnett ved Kjetil Haug, Tansa Systems

13.50  Korleis kan språkteknologi hjelpa kommunane? Med Jo Christian Oterhals, Unni Berland, prosjektleiar for språksatsinga i Stavanger, Jostein Avdem Fretland. Samtaleleiar: Svein Olav B. Langåker

14.20  Pause, kaffi, frukt, utstillarar

Tema: Innkjøpsmakt og språkmakt i kommunane

14.45 Presentasjon av undersøking ved Svein Olav Langåker, dagleg leiar ved LNK

Tema: Nynorsk inspirasjon

15.00 Språkkursa til LNK ved Jan Olav Fretland.

15.15 Språkpolitisk ønskeliste for lokalvalet 2023 ved rådgjevar i Noregs Mållag, Hege Lothe

15.30 Pause før årsmøtet

16.00 Årsmøte LNK
16.30 Møteslutt
17.30 Aperitiff
18.00 Middag
20.00 Konsert med Stig Ulv på Sogndal kulturhus

FREDAG 2. juni
08.45 Framhald av årsmøte i LNK.
09.30 Pause og utsjekk

10.00 Helsingstale ved kommunal- og distriktsminister Sigbjørn Gjelsvik

Tema: Identitetsskapande merkevarebygging

10.15 Saftbygda Sogndal – korleis bruker me identiteten vår i marknadsføringa ved adm. direktør i Lerum, Trine Lerum Hjellhaug.

10.30 Nynorsk som del av merkevaren Sparebanken Sogn og Fjordane ved Gunn
Aase Moldestad, marknadssjef i Sparebanken Sogn og Fjordane

10.45 Verdien av språk ved dagleg leiar Monika Haanes Waagan i Nynorsk
bedriftsforum.

10.55 Samtale om identitetsskapande marknadsføring på nynorsk. Samtale med Trine Lerum Hjellhaug, Gunn Aase Moldestad, Monika Haanes Waagan.
Samtaleleiar: Svein Olav B. Langåker

Tema: Nynorskpolitikk og språkbruksplanar i kommunane

11.25 Innleiing ved Fredrik Hope, konservator ved Nynorsk kultursentrum.

11.45 Kva gjer Årets nynorskkommune, Vestland, for å styrka nynorsken? ved Birthe Johanne Fredheim Finstad, kommunikasjonsrådgjevar i Vestland fylkeskommune

12.00 Samtale om språkpolitikk i kommunane. I panelet: Peder Lofnes Hauge, leiar i Noregs Mållag, Birthe Johanne Fredheim Finstad, kommunikasjonsrådgjevar i Vestland fylkeskommune og Fredrik Hope, konservator ved Nynorsk kultursentrum.

12.40 Møteslutt og lunsj

 

Sogndal har gode kommunikasjonar med fly til Oslo, Bergen og Ørsta/Hovden og ekspressbussar.

 

121 ordførarar støttar opprop om ei betre opplæringslov

Svein Olav B. Langåker
-
0
121 ordførarar støttar opprop om ei betre opplæringslov

Éin av tre norske ordførarar har skrive under eit ordføraropprop for å sikre nynorskkrav til læringsressursar laga for bruk i skulen.

– For nær 50 år sidan vedtok Stortinget at lærebøkene skulle kome til same tid og pris. Dette prinsippet står framleis fast, men i dagens digitale skulekvardag må dette prinsippet fornyast til også å gjelde læringsressursar som er laga for bruk i opplæringa, seier Peder Lofnes Hauge, leiar i Noregs Mållag.

– Vi er svært glade for at 121 ordførarar frå både nynorsk-, bokmåls-, og språknøytrale kommunar stiller seg bak oppropet for like vilkår for nynorsk- og bokmålselevar, seier Sara Sekkingstad, ordførar i Alver kommune og leiar i Landssamanslutninga av nynorskkommunar (LNK), som peikar på at situasjonen i nynorskklasseromma er svært alvorleg.

Ordførarane representerer heile den politiske breidda frå Frp, H, KrF, Venstre, Sp, Ap og SV og heile Noreg.

– No vonar vi desse ordførarane vert lytta til. Dei fleste representerer Ap og Sp, så regjeringspartia bør merke seg kravet frå sine eigne. Dette vil ha mykje å seie for nynorskopplæringa i framtida, slår Peder Lofnes Hauge fast.

Utdanningskomiteen skal dei næraste dagane skrive innstillinga, og saka blir truleg avgjort i løpet av mai.

***

Ordføraroppropet: 

Den nye opplæringslova er ikkje god nok for lærarane og nynorskelevane. Språkdeling i ungdomsskulen og krav om nynorske skriveprogram er veldig bra, men situasjonen i nynorskklasseromma er så alvorleg at utan endringar i Stortinget vil den nye opplæringslova føre til svært ulike læringsvilkår mellom nynorsk- og bokmålselevane.

Difor ber vi Stortinget leggje “læringsressursar som er laga for bruk i opplæringa” inn under parallell-kravet om bokmåls- og nynorskversjon. Berre slik kan nynorskelevane få ein skulekvardag på språket sitt.

Desse har skrive under på ordføraroppropet:

Sara Hamre Sekkingstad

Alver kommune

Sp

Ole André Klausen

Askvoll kommune

H

Odd Jørgen Nilssen

Aukra kommune

H

Trygve Skjerdal

Aurland kommune

Sp

Morten Storebø

Austevoll kommune

H

Per Lerøy

Austrheim kommune

Ap

Trine Lindborg

Bjørnafjorden kommune

Ap

Osmund Våga

Bokn kommune

Sp

Anne Kristin Førde

Bremanger kommune

Ap

Eilif Trælnes

Brønnøy kommune

Sp

Sigbjørn Åge Fossdal

Bygland kommune

Ap

Jan Dagfinn Dalen

Bykle kommune

Ap

Sammy Olsen

Bømlo kommune

Sp

Astrid Skomakerstuen

Dovre kommune

Uavhengig (tidl.Ap)

Tor Peder Lohne

Drangedal kommune

Sp

Anders Vatle

Eidfjord kommune

Sp

Heidi B. Ekrheim

Etne kommune

Ap

Linda Mæhlum Robøle

Etnedal kommune

Sp

Arnt Abrahamsen

Farsund kommune

Ap

Stian Herøy

Fedje kommune

H

Harald Rydland

Fitjar kommune

Krf

Kjetil Høgseth Felde

Fjaler kommune

Sp

Eva Hove

Fjord kommune

Ap

Torbjørn Klungland

Flekkefjord kommune

Frp

Oddvar Garaas

Flesberg kommune

Sp

Merete H. Gandrud

Flå kommune

Ap

Erik Skjervagen

Fyresdal kommune

Ap

Anette Musdalslien

Gausdal kommune

Sp

Harry Valderhaug

Giske kommune

Krf

Knut Sjømæling

Gjemnes kommune

Sp

Anders Østensen

Gjerdrum kommune

Ap

Frode Fjeldsbø

Gjesdal kommune

Ap

Leidulf Gloppestad

Gloppen kommune

Sp

Herbrand Jegleim

Gol kommune

Sp

Hallvard Oppedal

Gulen kommune

Sp

Einar Busterud

Hamar kommune

By- og bygdelista

Bernt Brandal

Hareid kommune

Folkelista

Arne-Christian Mohn

Haugesund kommune

Ap

Pål Rørby

Hemsedal kommune

Sp

Bjørn-Halvor Prytz

Herøy kommune

Ap

Anita Husøy Riskedal

Hjelmeland kommune

Sp

Tove Henøen

Hustadvika kommune

Sp

Kjell Eide

Hyllestad kommune

Ap

Margrethe Handeland

Hægebostad kommune

Sp

Petter Sortland

Høyanger kommune

Ap

Jonas Skrettingland

Hå kommune

Krf

Jarle Nilsen

Karmøy kommune

Ap

Ola Teigen

Kinn kommune

Ap

Torgeir Næss

Kvam herad

Ap

Per Sverre Kvinlaug

Kvinesdal kommune

KrF

Hilde Enstad

Kvinnherad kommune

Ap

Bjørn Nordskog

Kviteseid kommune

Sp

Stian Giil Bjørsvik

Kvitsøy kommune

Krf

Mariann Skotte

Lesja kommune

Sp

Bjarne Eiolf Holø

Lom kommune

Sp

Ivar Kvalen

Luster kommune

Sp

Audun Mo

Lærdal kommune

Ap

Karstein Totland

Masfjorden kommune

H

Siri Blichfeldt Dyrland

Midt-Telemark kommune

Sp

Kjetil Eikefet

Modalen kommune

Samlingslista

Bengt-Magne Luneng

Målselv kommune

Sp

Knut Arne Fjelltun

Nord-Aurdal kommune

Sp

Anne Marie Olstad

Nord-Fron kommune

Ap

Ragnhild Haagenrud Moen

Nord-Odal kommune

Sp

Lars Fjeldstad

Osterøy kommune

Sp

Anne Kristine Grøtting

Porsgrunn kommune

Sp

Jarle Bø

Randaberg kommune

Sp

Yvonne Wold

Rauma kommune

SV

Inger Monsen

Rødøy kommune

Bygdeliste

Knut Harald Frøland

Samnanger kommune

Bygdalista

Olav Myklebust

Sande kommune

Sp

Asbjørn Birkeland

Sauda kommune

Sp

Eldri Seim

Sel kommune

Sp

Sondre Aasan

Seljord kommune

Sp

Edel Kveen

Skjåk kommune

Sp

Arnstein Menes

Sogndal kommune

Ap

Jonas Andersen Sayed

Sokndal kommune

Krf

Gunn Åmdal Mongstad

Solund kommune

Sp

Gunnar Silden

Stad kommune

V

Gaute Straume Epland

Stord kommune

Ap

Even Moen

Stor-Elvdal kommune

Sp

Jan Ove Tryggestad

Stranda kommune

Sp

Per Kjøllesdal

Stryn kommune

Sp

Jim Arve Røssevoll

Sula kommune

Ap

Gerd Helen Bø

Suldal kommune

Sp

Jenny Følling

Sunnfjord kommune

Sp

Margrethe Svinvik

Surnadal kommune

Sp

Linn Therese Erve

Lena Landsverk Sande

Sveio kommune

Vanylven kommune

Ap

V

LNK feirar 30 år – kven blir med på landstinget for kommunen din?

Svein Olav B. Langåker
-
0
LNK feirar 30 år – kven blir med på landstinget for kommunen din?

Landssamanslutninga av nynorskkommunar ønskjer velkommen til landsting og 30-årsjubileum i Sogndal 1.-2. juni på Quality Hotel Sogndal.

Landstinget til LNK blir arrangert annakvart år, og er ein viktig møteplass for nynorskkommunane. Målet vårt er at landstinget blir ein framtidsverkstad for nynorsk i kommunane. Landstinget opnar torsdag 1. juni klokka 10.

Me håpar du har høve til å koma slik at kommunen din blir representert!

Meld deg på her!

Sjå landstingsheftet her!

TORSDAG 1. JUNI

09.00   Registrering
10.00   Opning: Velkomen til Sogndal v/ordførar Arnstein Menes
10.10   Leiartale ved Sara Hamre Sekkingstad, styreleiar i LNK
10.25   Kulturell opning med Gunn Kvaale

Tema: Korleis kan kommunane nå dei unge?
10.45  Snakk med oss unge – så me vil flytta heim! Ved Anne Bratthammer, medlem i
ungdomsutvalet i Ryfylke

11.05  Kva kan kommunane gjera for å koma i dialog med dei unge? Med Anne Bratthammer, Gunn Kvaale m.fl. Samtaleleiar: Andrea Rygg Nøttveit

11.45  Korleis jobbar Framtida.no med å nå dei unge Innleiing ved Andrea Rygg Nøttveit, redaktør i Framtida.no

12.00  Lunsj

Tema: Robotane kjem! Korleis kan språkteknologi hjelpa kommunane?

13.00  Nynorskroboten og kva språkteknologi kan hjelpa kommunane ved Jo
Christian Oterhals, datautviklar ved NTB Arkitekst og tidlegare adm. dir. og redaktør VGTV

13.20  Klarspråk med hjelp av Chat GBT ved Jostein Avdem Fretland, språkkurshaldar for LNK

13.40  Språkleg tryggleiksnett ved Kjetil Haug, Tansa Systems

13.50  Korleis kan språkteknologi hjelpa kommunane? Med Jo Christian Oterhals, Unni Berland, prosjektleiar for språksatsinga i Stavanger, Jostein Avdem Fretland. Samtaleleiar: Svein Olav B. Langåker

14.20  Pause, kaffi, frukt, utstillarar

Tema: Innkjøpsmakt og språkmakt i kommunane

14.40  Presentasjon av undersøking ved Svein Olav Langåker, dagleg leiar ved LNK

14.50  Presentasjon av språkvegleiar

15.00  Samtale om innkjøpsmakt og språkpolitikk i kommunane

Tema: Nynorsk inspirasjon

15.30  Språkkursa til LNK ved Jan Olav Fretland.

15.45  Språkpolitisk ønskeliste for lokalvalet 2023 ved rådgjevar i Noregs Mållag, Hege Lothe

16.00  Årsmøte LNK

16.30  Møteslutt

17.30  Aperitiff

18.00  Middag

20.00  Konsert med Stig Ulv på Sogndal kulturhus

FREDAG 2. juni

08.45   Framhald av årsmøte i LNK.

09.30   Pause og utsjekk

Tema: Identitetsskapande merkevarebygging

10.00  Saftbygda Sogndal – korleis bruker me identiteten vår i marknadsføringa ved adm. direktør i Lerum, Trine Lerum Hjellhaug.

10.15  Nynorsk som del av merkevaren Sparebanken Sogn og Fjordane ved Gunn
Aase Moldestad, marknadssjef i Sparebanken Sogn og Fjordane

10.30  Verdien av språk ved dagleg leiar Monika Haanes Waagan i Nynorsk
bedriftsforum.

10.40  Samtale om identitetsskapande marknadsføring på nynorsk. Samtale med Trine Lerum Hjellhaug, Gunn Aase Moldestad, Monika Haanes Waagan.
Samtaleleiar: Svein Olav B. Langåker

Tema:  Nynorskpolitikk og språkbruksplanar i kommunane

11.10   Innleiing ved Fredrik Hope, konservator ved Nynorsk kultursentrum.

11.30  Kva gjer Årets nynorskkommune, Vestland, for å styrka nynorsken? ved Hilde Joranger Mæland, kommunikasjonssjef i Vestland fylkeskommune

11.45  Samtale om språkpolitikk i kommunane. I panelet: Peder Lofnes Hauge, leiar i Noregs Mållag, Sara Hamre Sekkingstad (Sp), styreleiar i LNK og ordførar i Alver kommune, Hilde Joranger Mæland,  kommunikasjonssjef i Vestland fylkeskommune og Fredrik Hope, konservator ved Nynorsk kultursentrum.

12.30   Møteslutt og lunsj

Sogndal har gode kommunikasjonar med fly til Oslo, Bergen og Ørsta/Hovden og ekspressbussar.

 

Språkrådet vil innføre bot for brot på språklova

Svein Olav B. Langåker
-
0
Språkrådet vil innføre bot for brot på språklova

Språkrådet vill innføre bot for høgskular, universitet og andre i kunnskapssektoren som ikkje følgjer kravet om å veksle mellom bokmål og nynorsk.

Språkrådet førte tilsyn med 31 verksemder i 2022. Ingen av dei tilfredsstilte det lovpålagde kravet om å veksle mellom bokmål og nynorsk, skriv Khrono.

Blant desse er alle universitet og høgskular, og dessutan ei rekkje forvaltningsorgan som til dømes Forskingsrådet. I dei fleste tilfelle blir nynorsk marginalisert. Fleire av dei største forskings- og utdanningsinstitusjonane er framleis langt unna å nå det lovpålagde kravet om å bruke minst 25 prosent nynorsk.

Språklova vart innført 1. januar 2022, men har ikkje ført til endring, meiner direktør Åse Wetås i Språkrådet.

– Vi synest det er sørgjeleg at ein stat må sanksjonere mot seg sjølv. Lova i seg sjølv burde vere eit kraftig nok verkemiddel. Men vi ser ikkje at den nye språklova har ført til positiv endring. Dette handlar om meir enn at institusjonane lèt vere å bruke nynorsk. Dei gjer det vanskelegare å halde på hovudmålsetjinga i den norske språkpolitikken om at norsk skal vere samfunnsberande språk, i og med at nynorsk er ein del av det norske språket, seier ho.

Språkrådet ber no om eit møte med Kunnskapsdepartementet for å «drøfte korleis det kan bli slutt på dei systematiske brota på språklova i denne sektoren».

I tillegg meiner Språkrådet at straffetiltak må vurderast, til dømes dagbøter. (©NPK)

1...567...370Side 6 av 370

LNK.NO

KONTAKT LNK:

Dagleg leiar Svein Olav B. Langåker, 948 75 365

post@lnk.no

 

Ved å bruka LNK.no aksepterer du bruk av informasjonskapslar.

Les meir om personvernpolitikken vår!

TAKK FOR STØTTA