Rundt 12.000 norske veljarar har førehandsstemt via internett.
Men slett ikkje kven som helst kan stemme i kommune- og fylkestingsvalet på nett. Dei 12.000 som fram til tysdag hadde stemt på internett, har stemmerett i ein av dei ti forsøkskommunane for elektronisk val.
Til saman har desse kommunane nærare 168.000 veljarar, opplyser Kommunal- og regionaldepartementet i ei pressemelding.
Elektroniske stemmer utgjer no omkring 75 prosent av alle førehandsstemmene i forsøkskommunane.
Prøvekaninene for elektronisk val har kunna førehandsstemme sidan 10. august.
Målet med forsøksordninga med elektronisk val er å få auka valdeltaking. Den første veka utgjorde elektroniske stemmer heile 88 prosent av førehandsstemmene i dei ti kommunane, sidan har delen nettstemmer dalt noko.
Bodø, Bremanger, Hammerfest, Mandal, Radøy, Re, Sandnes, Tynset, Vefsn og Ålesund testar ut e-val ved kommune- og fylkestingsvalet. (NPK)
