Heim Nyhende Bibel-framsyning i seks timar på Det Norske

Bibel-framsyning i seks timar på Det Norske

Både Gud og Jesus er frå Hammerfest når Det Norske Teatret på nyåret satsar stort og set opp Bibelen som teater.

 

Bjørn Sundquist er Gud, medan Marius Næss er Jesus. Begge har bakgrunn frå Hammerfest. Mannen som har tatt på seg den vanskelege oppgåva å dramatisere Bibelen, er Stein Winge.

Winge kan fortelje at Bjørn Sundquist allereie er så inne i rolla at han presenterer seg som Gud når han ringjer regissøren. Seks timar lang blir framsyninga, som har premiere 1. februar neste år. Fredag slapp teatret billettane samtidig med at Bibelselskapet lanserte ei ny litterær utgåve av Bibelen på nynorsk.

Maraton
Det er ikkje første gong Sundquist og Winge lagar ei maratonframsyning saman. På slutten av 1980-talet samarbeidet dei om «Merlin», også det ei seks timar lang framsyning på Det Norske Teatret. Den gongen spelte Sundquist sonen til djevelen.

– Bibelen er eit fantastisk teatermanus, seier Stein Winge.

Han har arbeidd med prosjektet i to år.

– I utgangspunktet kunne det virke som eit umogleg prosjekt, seier sjefdramaturg Carl Morten Amundsen.

Han har rekna ut at skal ein dramatisere heile Bibelen vil det ta nesten fem døgn utan pause.

– Då eg fekk denne fortvilande oppgåva for eit par år sidan hadde eg aldri lest Bibelen. Eg trudde eg hadde gjort det, men det hadde eg ikkje. Det har vore fascinerande lesing, seier Winge.

Eiga tolking
Fleire forfattarar, blant dei Ari Behn, Maria Tryti Vennerød, Terje Nordby og Cecilie Løveid, har fått i oppgåve å ta for seg ulike historier frå Bibelen og gi si eiga tolking. Så skal Winge sy det heile saman. Manus er med andre ord ikkje teksttru mot Bibelen.

– Vi må lage vår eigen teatralske versjon. Det er mykje i versjonen vår du ikkje finn igjen i Bibelen, men som kunne ha skjedd, seier Winge.

Framsyninga er delt i to delar. Første del hentar stoffet frå Det gamle testamente og har fått tittelen «Ørkenvandring». Andre del er basert på Det nye testamentet og heiter «Jesus frå Nasaret». Fredagar og laurdagar skal begge delar visast på éin kveld, elles i veka blir det éin del per kveld.

– Sara Strindberg har skapt ein uhyggeleg slutt, seier Stein Winge. (NPK)

 

 

 

 

 

 

 

 

 

Førre artikkelVanskeleg med vegen
Neste artikkelVil ha skilt på nynorsk

NYNORSK INSPIRASJON

Kurstilbod for skular og barnehagar

Arbeidet for å styrkja språkopplæringa i det offentlege er ei prioritert oppgåve for Landssamanslutninga av nynorskkommunar (LNK). Kursa våre blir administrerte og gjennomførte av Fretland...

Språklova: Dette er dei viktige paragrafane for nynorskkommunane

Frå og med 1. januar 2022 er nynorsk og bokmål formelt jamstilte og likeverdige språk på alle samfunnsområde. Formålet med lova er...

Har kommunen din levert høyringssvar om ny opplæringslov?

Arbeidet med ny opplæringslov er svært viktig for nynorskelevane og nynorskkommunane. LNK oppmodar alle medlemskommunane sine om å setja tydelege krav til...

Nytt samarbeid skal styrka nynorsken i barnehagane

Pirion og Sunnfjord kulturskule har laga til ei digital kursrekkje som skal hjelpa til med å styrkja nynorskarbeidet i barnehagane.

Seks fine julebøker på nynorsk

Mange skular og barnehagar bruker adventstida til høgtlesing kvar dag. Her får du tips til fleire gode bøker på nynorsk med god...

Vil gi utviklingsstøtte til fleire nynorske produksjonar i Den kulturelle skulesekken

Kulturtanken, Seanse, Høgskulen i Volda og fleire fylkeskommunar samarbeider om å få meir nynorsk i Den kulturelle skulesekken i ei heilt ny...

MEST LESE

Kan nokon snart skru av internett?

Internett har tatt kontroll over norske klasserom. Vi må endre den digitale skulekvardagen. Internett har kome for å bli. Det opnar verda og både spreier...

Høgre vil svekkje nynorsken for å styrkje ungdomsskulen

– Ungdomsskulereforma til Høgre er eit dårleg skjult åtak på nynorsken, seier leiar i Noregs Mållag, Peder Lofnes Hauge. Høgre vil fjerne karakteren i skriftleg...

Jorid Lekve Eide blir ny arenaleiar ved Haugesenteret

Jorid Lekve Eide er tilsett som ny arenaleiar ved Haugesenteret i Ulvik. Ho tek over etter Geir Netland som etter 10 år i stillinga...

Aina Basso er årets festivalforfattar på Falturiltu

Aina Basso har turnert landet rundt med spennande formidlingar og til hausten vil Falturiltu løfta fram heile forfattarskapen hennar under årets tema: FAKTISK og...