Det blei fleirtal for nynorsk på Sola skole, etter skulemålrøystinga som avslutta måndag. Men berre 8,1 prosent av dei som kunne stemme møtte fram og sa meininga si.
44 møtte fram og stemte for nynorsk, medan 17 stemte for at Sola skule skulle bli ein bokmålsskule i staden for nynorskskule som i dag. Rektor Siri Nøttaasen Gabrielsen ved Sola skole seier til Solabladet at den manglande interessa for folkerøystinga kan skuldast at foreldrene opplever at dei får det som dei ønskjer med dagens ordning. I dag er Sola skole nynorskskole, men skulen er i praksis språkdelt med bokmålsgrupper på fleire trinn. Folkerøystinga har vore kritisert av både foreldre og av Sola mållag, som meiner denne har vore drive fram av kommunen med sitt ønske om å spare pengar, ikkje av foreldra.
Folkerøystinga no er berre rådgjevande. Politikarane i Sola skal seie sitt i eit møte 13. juni.
Les også: Vil endre målform ved Sola skole
