Heim Nyhende Journalistopplæring på rekordtid

Journalistopplæring på rekordtid

Kjenner du nokon med ei journalistspire i magen? På seks månader kan ein lære det journalistiske handverket i Nynorsk avissenter og Nynorsk mediesenter.

 

 

Nynorsk Avissenter og Nynorsk mediesenter søkjer etter nye nynorskpraktikantar, med kursstart i slutten av august.

20 praktikantar har til no gjennomført opplæringa ved Nynorsk Avissenter i Førde. Halvparten har fått fast jobb eller lengre vikariat som journalistar, sju bit seg faste i journalistikken som tilkallingsvikarar og to har fast jobb i kommunikasjonsbransjen.

­– Vi har Noregs mest effektive opplæring i moderne avisjournalistikk, med stor vekt på digital kompetanse, seier Ivar Myklebust Longvastøl, dagleg leiar for Stiftinga Nynorsk avissenter i ei pressemelding.

– Vi ønskjer søkjarar frå heile landet som har lyst å skrive nynorsk, og vi tek inn praktikantar med ulik utdanning og erfaring, understrekar Longvastøl.

Praktikantane startar med praksis i Firda Media, landets største dagsavis som vert redigert på nynorsk. Her vert dei rettleia av kvar sin mentor og andre erfarne journalistar. I tillegg får dei fagleg påfyll frå dyktige forelesarar frå Amedia, NRK og høgskular.

Etter fire månader i Førde, går praktikantane til ein sjølvvald redaksjon. Vårens kull skal til Klassekampen, Bergens Tidende og Dalane Tidende, og ein held fram i Firda.

– Målet vårt er å gje unge og engasjerte nynorskbrukarar ein innfallsport til ei lynkarriere som journalist. Dyktige journalistar som brukar nynorsk vil styrke nynorsk som eit moderne bruksspråk, seier Longvastøl.

Fast stilling i NRK
Nynorsk Avissenter vart starta etter modell frå NRK Nynorsk mediesenter som òg held til Førde.

Nynorsk Mediesenter har sendt frå seg 115 nynorskpraktikantar sidan starten. 59 prosent av dei arbeider i media. Nesten 50 prosent er i NRK. Totalt har 44 fått fast tilsetting, 38 i NRK.

Nynorsk Mediesenter lyser òg ut etter nynorskpraktikantar.

NYNORSK INSPIRASJON

Kurstilbod for skular og barnehagar

Arbeidet for å styrkja språkopplæringa i det offentlege er ei prioritert oppgåve for Landssamanslutninga av nynorskkommunar (LNK). Kursa våre blir administrerte og gjennomførte av Fretland...

Språklova: Dette er dei viktige paragrafane for nynorskkommunane

Frå og med 1. januar 2022 er nynorsk og bokmål formelt jamstilte og likeverdige språk på alle samfunnsområde. Formålet med lova er...

Har kommunen din levert høyringssvar om ny opplæringslov?

Arbeidet med ny opplæringslov er svært viktig for nynorskelevane og nynorskkommunane. LNK oppmodar alle medlemskommunane sine om å setja tydelege krav til...

Nytt samarbeid skal styrka nynorsken i barnehagane

Pirion og Sunnfjord kulturskule har laga til ei digital kursrekkje som skal hjelpa til med å styrkja nynorskarbeidet i barnehagane.

Seks fine julebøker på nynorsk

Mange skular og barnehagar bruker adventstida til høgtlesing kvar dag. Her får du tips til fleire gode bøker på nynorsk med god...

Vil gi utviklingsstøtte til fleire nynorske produksjonar i Den kulturelle skulesekken

Kulturtanken, Seanse, Høgskulen i Volda og fleire fylkeskommunar samarbeider om å få meir nynorsk i Den kulturelle skulesekken i ei heilt ny...

MEST LESE

– Alt gjer seg betre på nynorsk

Prisvinnar Øystein Furevik gir folk nynorsk i ei verd prega av engelsk. For han er nemleg alt betre på nynorsk. – For meg er nynorsk...

Nynorsk kultursentrum stiller opp for Det Norske Teatret

Det Norske Teatret troppa opp på Festspela for å lansere si nye kampanje for å tette finaniseringsgapet som har utvikla seg samanlikna med Nathionaltheatret....

Nynorsk barnelitteraturpris til Markus Lantto og Camilla Kuhn

Forfattar Markus Lantto og illustratør Camilla Kuhn har fått Nynorsk barnelitteraturpris 2022 for boka Kåre og Marimba hjelper til gjeven ut på Samlaget. – Juryen...

Ber storsamfunnet syta for at retten til eige språk og kultur er reell

Landstinget til LNK Nynorskkommunane kom med støtte til samar, kvener, norskfinnar og skogfinnar. – Me i LNK Nynorskkommunane var samla til landsting same dag som...