Heim Nyhende Kjem med vårens einaste ungdomsroman på nynorsk

Kjem med vårens einaste ungdomsroman på nynorsk

Berre éin prosent av ungdomsbøkene frå dei tre største forlaga er på nynorsk.

 

Anders Totland kjem med vårens einaste ungdomsroman på nynorsk, Engel i snøen.

– Som nynorskbrukar synest eg det er litt trist. Men som forfattar synest eg det er litt gøy – det stiller jo boka i ein unik posisjon, seier ungdomsromandebutanten.

Les intervju med Anders Totland fredag!

Boka er gjeven ut på Gyldendal. Det er første gong på minst fem år at forlaget gjev ut ei heil ungdomsbok på nynorsk.

Aschehoug har berre gjeve ut ein halv nynorsk ungdomsroman dei siste åra, Det blir pinlig uansett av Bjørn Sortland og Tyra Teodora Tronstad, der tekstane av Sortland var skrivne på nynorsk.

Det største av forlaga, Cappelen Damm, har gjeve ut tre skjønnlitterære ungdomsbøker på nynorsk sidan 2010.

– For oss er nynorsk og bokmål likestilt, men tilfanget av nye bøker er mindre, forklarer direktør for barn og unge hos Cappelen Damm, Birgit Christensen.

LES OGSÅ: Etterlyser humor i ungdomsbøker

Treng meir omsett litteratur på nynorsk
Kristin Ørjasæter, direktør for Norsk Barnebokinstitutt, er skuffa over tala.

– Viss me skal ha to likestilte skriftspråk i Noreg, så krev det at det er tilgang på litteratur på nynorsk. I debatten om nynorsk i skulen, så er det dei som tar til orde for at ein ikkje treng å læra å skriva nynorsk, men at ein kan få lesa nynorsk i staden. Men då må det jo  vera noko å lesa, kommenterer ho.

Ho meiner situasjonen er endå meir ekstrem når det gjeld sakprosa for barn og unge på nynorsk og forklarer dette med at det knapt blir omsett barne- og ungdomslitteratur til nynorsk.

Utelukkar ikkje omsetjingar
Birgit Christensen i Cappelen Damm seier at omsetjingar til nynorsk ikkje har vore tema hos dei. På spørsmål vil ho ikkje utelukka at dei kan koma med fleire omsette nynorske bøker framover.

Det høyrer med i soga at nynorskforlaget Det norske Samlaget har kome med 32 nye skjønnlitterære ungdomsbøker på nynorsk frå 2010. Seniorredaktør Ragnfrid Trohaug fortel at dei kjem med fleire ungdomsbøker til hausten.

Skald forlag har kome med to omsette ungdomsbøker dei siste åra; Jenta og April av Angelika Klüssendorf, som kom i 2013 og 2015.

NYNORSK INSPIRASJON

Kurstilbod for skular og barnehagar

Arbeidet for å styrkja språkopplæringa i det offentlege er ei prioritert oppgåve for Landssamanslutninga av nynorskkommunar (LNK). Kursa våre blir administrerte og gjennomførte av Fretland...

Språklova: Dette er dei viktige paragrafane for nynorskkommunane

Frå og med 1. januar 2022 er nynorsk og bokmål formelt jamstilte og likeverdige språk på alle samfunnsområde. Formålet med lova er...

Har kommunen din levert høyringssvar om ny opplæringslov?

Arbeidet med ny opplæringslov er svært viktig for nynorskelevane og nynorskkommunane. LNK oppmodar alle medlemskommunane sine om å setja tydelege krav til...

Nytt samarbeid skal styrka nynorsken i barnehagane

Pirion og Sunnfjord kulturskule har laga til ei digital kursrekkje som skal hjelpa til med å styrkja nynorskarbeidet i barnehagane.

Seks fine julebøker på nynorsk

Mange skular og barnehagar bruker adventstida til høgtlesing kvar dag. Her får du tips til fleire gode bøker på nynorsk med god...

Vil gi utviklingsstøtte til fleire nynorske produksjonar i Den kulturelle skulesekken

Kulturtanken, Seanse, Høgskulen i Volda og fleire fylkeskommunar samarbeider om å få meir nynorsk i Den kulturelle skulesekken i ei heilt ny...

MEST LESE

Mellom appar og bærbare skjermar heve nynorsken mista sin heim

Kunnskapsdepartementet er asfalten nynorske løvetannbarn må sprenge seg gjennom. Alle norske elevar har lenge hatt rett til læremiddel på eige språk, men tida der eit...

Velkommen til landsting og 30-årsjubileum for LNK!

Me har gleda av å invitera dykk til landsting, årsmøte og 30-årsjubileum i Landssamanslutninga av nynorskkommunar. I år vert landstinget halde på Quality Sogndal...

– Den nye opplæringslova er ikkje god nok for nynorskelevane

Fredag 24. mars 2023 la Tonje Brenna fram forslag til ny opplæringslov. Norsk Målungdom synest det er fleire gode framlegg for nynorskelevane, men at...

Målblome til ålesundordførar Eva Vinje Aurdal

– Norske kommunar er viktige språkaktørar, og mellom 356 nyansar av kommunegrått har språket vårt både bøller og bestevener. Midt i det grå står...