Frå nyttår vart Inderøy og Mosvik kommune i Nord-Trøndelag til ein kommune; Inderøy kommune. Med denne samanslåinga er talet på kommunar i Noreg 429.
Samanslåinga av Mosvik og Inderøy vart formelt vedteke i november 2010, og den nye kommunen består no av omlag 6 700 innbyggjarar. Det nye kommunestyret vart vald ved kommunevalet hausten 2011.
I 2010 styrka regjeringa støtta til kommunar som slår seg saman. Dei får no dekka alle dei kostnadane som er naudsynt for å få på plass ei samanslåing, melder Kommunal og regionaldepartmentet i ei pressemelding. Mosvik og Inderøy fekk utbetalt 14,6 millionar kroner. Nye Inderøy kommune vil etter samanslåinga få eit inndelingstilskot på 16,2 millionar kroner. Dette skal kompensere for tapet av eit basistilskot og eit småkommunetilskot. Kommunen vil få fullt tilskot til og med 2026 før tilskotet blir trappa ned dei følgjande fem åra.
