Heim Nyhende Nynorsk kan bli redninga for Blindern-tidsskrift

Nynorsk kan bli redninga for Blindern-tidsskrift

Fleire artiklar på nynorsk kan bety meir pengar for det kriseramma Blindern-tidsskriftet Argument. No blir dei skrivande medarbeidarane sett på skulebenken for å finpusse nynorsken sin.

Målet er tosidig: Å styrkje bruken av nynorsk i avisa, og samtidig få inn meir pengar i ei slunken tidsskriftkasse. Norsk kulturråd gir nemleg 25.000 kroner i pengestøtte til tidsskriftet dersom 25 prosent av tekstane er på nynorsk.

Redaktør i Argument Anna Helene Valberg ser på auka nynorskprosent som eit ekstra pluss for tidsskriftet.

– Vi ønskjer eit språkleg mangfald i tekstene våre, seier ho til avisa Universitas.

– 25 prosent er eit høgt tal, og eg trur ikkje at vi rekk første søknadsfristen, som er 1. september. Vi ser heller på dette som noko vi kan oppnå etter kvart.

– Bør tilby nynorsk

Om lag 20 studentar deltok då tidsskriftet arrangerte nynorskkurs i førre veke. Av desse var seks knytte til Argument-redaksjonen. Trine Østreng, kulturredaktør i tidsskriftet, nynorskbrukar og initiativtakar til kurset, er nøgd med at såpass mange utanfor redaksjonen valde å delta.

– Målet er at deltakarane skal føle seg tryggare på å skrive nynorsk. Samtidig ser vi dette som ein fin sjanse for Argument til å knyte til oss nye skribentar.

Kurshaldar Ingar Arnøy frå Noregs Mållag meiner det er bra at Argument no går inn for å auke nynorskdelen.

– Oslo er Noregs politiske hovudstad. Men i motsetnad til Paris, som er ein opplagt kulturhovudstad, har Oslo aldri vore det. Språket vårt bør spegle det kulturelle mangfaldet som finst i alle kantar av landet vårt. (©NPK)

NYNORSK INSPIRASJON

Kurstilbod for skular og barnehagar

Arbeidet for å styrkja språkopplæringa i det offentlege er ei prioritert oppgåve for Landssamanslutninga av nynorskkommunar (LNK). Kursa våre blir administrerte og gjennomførte av Fretland...

Språklova: Dette er dei viktige paragrafane for nynorskkommunane

Frå og med 1. januar 2022 er nynorsk og bokmål formelt jamstilte og likeverdige språk på alle samfunnsområde. Formålet med lova er...

Har kommunen din levert høyringssvar om ny opplæringslov?

Arbeidet med ny opplæringslov er svært viktig for nynorskelevane og nynorskkommunane. LNK oppmodar alle medlemskommunane sine om å setja tydelege krav til...

Nytt samarbeid skal styrka nynorsken i barnehagane

Pirion og Sunnfjord kulturskule har laga til ei digital kursrekkje som skal hjelpa til med å styrkja nynorskarbeidet i barnehagane.

Seks fine julebøker på nynorsk

Mange skular og barnehagar bruker adventstida til høgtlesing kvar dag. Her får du tips til fleire gode bøker på nynorsk med god...

Vil gi utviklingsstøtte til fleire nynorske produksjonar i Den kulturelle skulesekken

Kulturtanken, Seanse, Høgskulen i Volda og fleire fylkeskommunar samarbeider om å få meir nynorsk i Den kulturelle skulesekken i ei heilt ny...

MEST LESE

Programmet til landstinget til LNK i Sogndal 1.-2. juni 2023

Landssamanslutninga av nynorskkommunar ønskjer velkommen til landsting i Sogndal 1.-2. juni på Quality Hotel Sogndal. Landstinget til LNK blir arrangert annakvart år, og er ein...

– Eit svik mot nynorskelevane 

Utdanningskomiteen har no lagt fram innstillinga si til ny opplæringslov. Trass i tydelege krav frå alle hald om at læringsressursar som er utvikla til...

Nynorsk-tap på Stortinget: – Ekstremt skuffande

Utdanningskomiteen på Stortinget har i dag sagt nei til å sikre nynorske læringsressursar som er laga for skulen. – Det er heilt uforståeleg at fleirtalet...

Skriv nynorsk på nynorskdagen 12. mai

– Vi utfordrar alle i Noreg til å skrive nynorsk i dag. Nynorsk er for alle, og på nynorskdagen er det lov å prøve,...