Heim Nyhende Ordbøker kan vera i strid med likestillingslova

Ordbøker kan vera i strid med likestillingslova

Nynorskordboka og Bokmålsordboka får kritikk for å fremja kjønnsstereotypiar. Språkrådet ønskjer revisjon av ordbøkene.

 

Er det meir kvinneleg å syte, slik Nynorskordboka kan få oss til å tru?

Forfattar og Framtida.no-spaltist Sigrid Sørumgård Botheim skriv om gamaldagse kjønnsstereotypiar i ordbøkene og spør om det er trong for ein revisjon.

– Dei fleste orddefinisjonane seier ingenting om menn eller kvinner, men i mange av eksempla som blir brukte er det ein klar skilnad. Keisame verb eller ord som gjeld utsjånad har oftast kvinner og barn i eksempla, medan tøffe eller valdelege ord har menn i eksempla, skriv ho i innlegget sitt på Framtida.no.

Les innlegget: Jåle, spjåk, fjolle, gås

Brot på lova?
– Skular og andre undervisingsinstitusjonar har klare plikter etter Likestillingslova om å bruka læremiddel som byggjer på likestilling uavhengig av kjønn, seier Taran Knudstad, seniorrådgjevar ved Likestillings-og diskrimineringsombodet.

Ho presiserer overfor  Framtida.no at ombodet ikkje har gått inn sjølv og sjekka ordbøkene, men legg til at viss skulane skal bruka eit læremiddel som fremjar kjønnsstereotypiar, så kan det vera eit brot på Likestillingslova.

– Kva seier du til døma som Sigrid Sørumgård Botheim trekk fram, som til dømes «syte – person, særleg kvinne, som syter mykje.»?

– Det er ein klar kjønnsstereotyp, seier Knudstad til Framtida.no.

Ho seier at døma viser at ordbøkene har blitt flinkare til å bruka kjønnsnøytrale ord, men at det i definisjonane av orda heng igjen gamaldagse kjønnsstereotypiar.

LES OGSÅ: Takk for no, stereotypiar

Smerteleg klar over utdaterte ordbøker
Det er Språkrådet og Universitetet i Bergen som frå sommaren har ansvar for ordbøkene.

Språkdirektør Åse Wetås svarer dette på kritikken av ordbøkene:

– Me er smerteleg klar over at mange av tekstane i Nynorskordboka ikkje er revidert sidan dei blei utvikla på 70-talet og tidleg 80-tal. Verda har endra seg sidan den gongen, seier direktør i Språkrådet, Åse Wetås.

Wetås er klar på at ordboktekstane og bruksskildringane må endrast.

Ho seier til Framtida.no at Språkrådet og Universitetet i Bergen vil arbeida for å finna finansiering til å revidera ordbøkene.

– Det faglege arbeidet er eit forskingsarbeid, og dette må det søkjast forskingsmidlar til, forklarer ho.

LES OGSÅ: 333 173 grunnar til å elska norsk

NYNORSK INSPIRASJON

Kurstilbod for skular og barnehagar

Arbeidet for å styrkja språkopplæringa i det offentlege er ei prioritert oppgåve for Landssamanslutninga av nynorskkommunar (LNK). Kursa våre blir administrerte og gjennomførte av Fretland...

Språklova: Dette er dei viktige paragrafane for nynorskkommunane

Frå og med 1. januar 2022 er nynorsk og bokmål formelt jamstilte og likeverdige språk på alle samfunnsområde. Formålet med lova er...

Har kommunen din levert høyringssvar om ny opplæringslov?

Arbeidet med ny opplæringslov er svært viktig for nynorskelevane og nynorskkommunane. LNK oppmodar alle medlemskommunane sine om å setja tydelege krav til...

Nytt samarbeid skal styrka nynorsken i barnehagane

Pirion og Sunnfjord kulturskule har laga til ei digital kursrekkje som skal hjelpa til med å styrkja nynorskarbeidet i barnehagane.

Seks fine julebøker på nynorsk

Mange skular og barnehagar bruker adventstida til høgtlesing kvar dag. Her får du tips til fleire gode bøker på nynorsk med god...

Vil gi utviklingsstøtte til fleire nynorske produksjonar i Den kulturelle skulesekken

Kulturtanken, Seanse, Høgskulen i Volda og fleire fylkeskommunar samarbeider om å få meir nynorsk i Den kulturelle skulesekken i ei heilt ny...

MEST LESE

– Alt gjer seg betre på nynorsk

Prisvinnar Øystein Furevik gir folk nynorsk i ei verd prega av engelsk. For han er nemleg alt betre på nynorsk. – For meg er nynorsk...

Nynorsk kultursentrum stiller opp for Det Norske Teatret

Det Norske Teatret troppa opp på Festspela for å lansere si nye kampanje for å tette finaniseringsgapet som har utvikla seg samanlikna med Nathionaltheatret....

Nynorsk barnelitteraturpris til Markus Lantto og Camilla Kuhn

Forfattar Markus Lantto og illustratør Camilla Kuhn har fått Nynorsk barnelitteraturpris 2022 for boka Kåre og Marimba hjelper til gjeven ut på Samlaget. – Juryen...

Ber storsamfunnet syta for at retten til eige språk og kultur er reell

Landstinget til LNK Nynorskkommunane kom med støtte til samar, kvener, norskfinnar og skogfinnar. – Me i LNK Nynorskkommunane var samla til landsting same dag som...