Heim Nyhende Stortinget vil desentralisere Kulturrådet

Stortinget vil desentralisere Kulturrådet

Stortingsfleirtalet vil spreie Kulturrådet meir enn det rådet sjølv har foreslått.

 

Eit fleirtal med Arbeidarpartiet, Høgre og Framstegspartiet i spissen vil gi distrikta meir makt over pengebruken, skriv Klassekampen.

Kulturrådet har sjølv i eit notat til Kulturdepartementet tilrådd at det blir oppretta eit nytt regionkontor for kreative næringar enten i Bergen eller Stavanger. Da får i så fall 6– 12 av dei rundt 120 tilsette i Oslo tilbod om å flytte vestover.

– Eg synest det er ein tynn rapport Kulturrådet kjem med, og som kulturministeren umogleg kan vere fornøgd med. Det Kulturrådet leverer, er meir ei forklaring på kva rådet gjer, enn ein moglegheitsstudie for regionalisering, seier Hege Liadal (Ap), som ønskjer seg ei større utgreiing om dette.

– Behov for gjennomgang

Med Ap på laget er det fleirtal i Stortinget for å gjere større endringar i organiseringa av Kulturrådet, slik regjeringspartia H og Frp gav signal om at dei ønskte, alt i regjeringsplattforma. Det synest kulturminister Linda Hofstad Helleland (H) er interessant.

– Det er interessant at det er ønskeleg med meir utflytting, men det er behov for å gå grundig gjennom dei enkelte forslaga før det blir konkludert, seier Helleland i ein e-post til Klassekampen.

Ho synest òg forslaget om å etablere ei avdeling for kreativ næring utanfor Oslo er interessant, men strekar under at det må vere rom for andre forslag.

Framlegg til hausten

Helleland reknar med å leggje fram eit eige forslag for Stortinget i samband med statsbudsjettet til hausten.

Kulturrådet forvaltar nærare 1,2 milliardar kroner til kunst- og kulturprosjekt over heile landet. (©NPK)

NYNORSK INSPIRASJON

Kurstilbod for skular og barnehagar

Arbeidet for å styrkja språkopplæringa i det offentlege er ei prioritert oppgåve for Landssamanslutninga av nynorskkommunar (LNK). Kursa våre blir administrerte og gjennomførte av Fretland...

Språklova: Dette er dei viktige paragrafane for nynorskkommunane

Frå og med 1. januar 2022 er nynorsk og bokmål formelt jamstilte og likeverdige språk på alle samfunnsområde. Formålet med lova er...

Har kommunen din levert høyringssvar om ny opplæringslov?

Arbeidet med ny opplæringslov er svært viktig for nynorskelevane og nynorskkommunane. LNK oppmodar alle medlemskommunane sine om å setja tydelege krav til...

Nytt samarbeid skal styrka nynorsken i barnehagane

Pirion og Sunnfjord kulturskule har laga til ei digital kursrekkje som skal hjelpa til med å styrkja nynorskarbeidet i barnehagane.

Seks fine julebøker på nynorsk

Mange skular og barnehagar bruker adventstida til høgtlesing kvar dag. Her får du tips til fleire gode bøker på nynorsk med god...

Vil gi utviklingsstøtte til fleire nynorske produksjonar i Den kulturelle skulesekken

Kulturtanken, Seanse, Høgskulen i Volda og fleire fylkeskommunar samarbeider om å få meir nynorsk i Den kulturelle skulesekken i ei heilt ny...

MEST LESE

LNK om ny opplæringslov: – Stortinget må sikra meir nynorsk i skulen

Nynorskkommunane (LNK) er glad for at regjeringa vil lovfesta at skulen skal ha skriveprogram som støttar nynorsk, men meiner lova må oppdaterast for å...

Mållaget: – Ny opplæringslov forsterkar den digitale læremiddelkrisa for nynorskelevane

– Situasjonen i nynorskklasseromma er alvorleg. Det sit over 73 000 nynorskelevar ved pultane sine og må bruke digitale læringsressursar på feil språk, seier...
Vidaregåande skule

Føreslår å fastsetja hovudmål på vidaregåande skular

I forslaget til ny opplæringslov føreslår regjeringa fleire større og mindre endringar til språk på skulane. Departementet føreslår blant anna: å vidareføra at kommunen skal...

Frieriet i Todalen – kva skjer med Vangsgutane no?

Vi har intervjua tekstforfattar Kjartan Helleve om dei siste hendingane rundt teikneseriefigurane Vangsgutane, som kom fram i siste utgåva om dei ved juletider. Faste...