Heim Nyhende Pris til ung, lovande nynorskforfattar

Pris til ung, lovande nynorskforfattar

Forfattar Ruth Lillegraven har fått Sokneprest Alfred Andersson-Rysst fond, ein pris som annakvart år går til ein ung forfattar som skriv på nynorsk.

Årets prisvinnar, Ruth Lillegraven er verksam innan fleire sjangrar, og har markert seg både som lyrikar, romanforfattar og barnebokforfattar.

Fem grunnar

Om grunngjevinga for tildelinga heiter det:

“Det er minst fem gode grunnar til å gi prisen til Ruth Lillegraven i år. Vi tar grunnane nokolunde kronologisk og etter litteratursjanger:

Den første er lyrikaren Ruth Lillegraven. Ho debuterte med Store stygge dikt i 2005. Mykje godt er sagt og skrive om denne samlinga med ”Store dikt, varige dikt, som synger og vugger avgårde, uvanlig lange og velskrevne” for å låne nokre ord frå Tom Egil Hverven i NRK. ”Ei røyst som er så open og inviterande og naturleg at me innimellom les med stor glede”, skreiv Helge Torvund i Dagbladet.

Ho kan også gjendikte: Saman med ei rekkje andre norske poetar og musikarar gjendikta ho Leonhard Cohens The Book of Longing i 2006.

Den andre grunnen er ein innsiktsfull og inspirerande artikkel i antologien Tid å hausta inn om Olav H. Hauge i 2008: ”Um nætene låg eg ofte og lydde til susen i lauvet”, om fruktdyrkaren Olav H. Hauge”. Her viser Ruth Lillegraven at ho kan mykje både om fruktdyrking, lyrikk og ho står fram som ein stor formidlar.

Grunn nr. 3 er romanforfattaren. Mellom oss, romandebuten i fjor er ein ambisiøs første roman. Her viser Lillegraven at ho meistrar handverket, og at ho også har teft for å finne og formidle ei god historie.

Den fjerde grunnen er at Ruth Lillegraven tar barna alvorleg. Bøkene Mari og Magnus flyttar inn (2011) og Mari og Magnus og smokketjuven (2012) er dei første barnebøkene hennar. Også denne sjangeren, den viktigaste av alle litteratursjangrar, kan ho.

Den femte grunnen til at vi gir prisen til Ruth Lillegraven er etter denne omtalen ganske naturleg: Vi vil inspirere ho til å skrive meir!”

Todelt pris

Prisen Sokneprest Alfred Andersson-Rysst fond blir delt ut årleg, og det andre året går den til nokon som gjer eit godt arbeid for å styrke banda mellom Noreg, Færøyane og Island. Fondet vart etablert i 1952 og Olav H. Hauge, Edvard Hoem og Olaug Nilssen er blant mottakarane av prisen. Juryen bak prisen erOttar Fyllingsnes, Durita Brattaberg og Jan Kløvstad. Prisen er på 10 000.

Ruth Lillegraven (1978) er frå Granvin i Hardanger og bur i Lommedalen i Bærum. Ho arbeider til dagleg som taleskrivar for statsråd Magnhild Meltveit Kleppa.

 

 


NYNORSK INSPIRASJON

Kurstilbod for skular og barnehagar

Arbeidet for å styrkja språkopplæringa i det offentlege er ei prioritert oppgåve for Landssamanslutninga av nynorskkommunar (LNK). Kursa våre blir administrerte og gjennomførte av Fretland...

Språklova: Dette er dei viktige paragrafane for nynorskkommunane

Frå og med 1. januar 2022 er nynorsk og bokmål formelt jamstilte og likeverdige språk på alle samfunnsområde. Formålet med lova er...

Har kommunen din levert høyringssvar om ny opplæringslov?

Arbeidet med ny opplæringslov er svært viktig for nynorskelevane og nynorskkommunane. LNK oppmodar alle medlemskommunane sine om å setja tydelege krav til...

Nytt samarbeid skal styrka nynorsken i barnehagane

Pirion og Sunnfjord kulturskule har laga til ei digital kursrekkje som skal hjelpa til med å styrkja nynorskarbeidet i barnehagane.

Seks fine julebøker på nynorsk

Mange skular og barnehagar bruker adventstida til høgtlesing kvar dag. Her får du tips til fleire gode bøker på nynorsk med god...

Vil gi utviklingsstøtte til fleire nynorske produksjonar i Den kulturelle skulesekken

Kulturtanken, Seanse, Høgskulen i Volda og fleire fylkeskommunar samarbeider om å få meir nynorsk i Den kulturelle skulesekken i ei heilt ny...

MEST LESE

Ber storsamfunnet syta for at retten til eige språk og kultur er reell

Landstinget til LNK Nynorskkommunane kom med støtte til samar, kvener, norskfinnar og skogfinnar. – Me i LNK Nynorskkommunane var samla til landsting same dag som...

Staten bryt språklova i kontakt med kommunane – både LNK, statsråd og mållagsleiar reagerer

Berre éin firedel av nynorskkommunane opplever at staten skriv mest nynorsk til dei. Den nye språklova har førebels ikkje gjort noko positivt utslag for...

– Stortinget hindra digital jamstilling for nynorsken

Det seier ein skuffa leiar i Noregs Mållag, Peder Lofnes Hauge, etter at den nye opplæringslova torsdag blei vedtatt i Stortinget.  – I ein skulekvardag...

Gratis teateroppleving på øyret – i samarbeid med dagsturhyttene 

Teater Vestland og dagsturhyttene samarbeider om å gi folk ei annleis teateroppleving i naturen.  Skogsopplevingar er ein 20 minutt lang podkast som du høyrer på ute i...