Heim Nyhende Språkrådet møter Regjeringa.no

Språkrådet møter Regjeringa.no

Språkrådet har invitert alle departementa til møte om språkbruken på den nye og omdiskuterte regjeringsportalen Regjeringa.no neste veke.

Nynorsken var praktisk talt reinska vekk da Tryggings- og servicesenteret til departementa (DSS) i byrjinga av desember i fjor lanserte ein ny felles tospråkleg portal for Statsministerens kontor og departementa. Berre bokmålsnamnet, «Regjeringen.no», er synleg på sida, og i adressefeltet blir nynorskbrukarar og avvikande bokmålsbrukarar parkerte til www.regjeringen.no. Der må ein stadig leite godt for å finne tekst på nynorsk.

– Regjeringa tok styringa for eit Noreg med to jamstilte språk og kom ut som ei bokmålsregjering, sa leiaren i Noregs Mållag, Marit Aakre Tennø, til Framtida.no i desember.

LES OGSÅ: Regjeringa har blitt til regjeringen

Møte om språkbruken
No har Språkrådet invitert DSS og departementa til møte om målbruken i den nye regjeringsportalen og korleis departementa kan arbeide for å oppfylle krava i mållova. Dei fleste har sagt at dei kjem til møtet måndag 23. januar, fortel seksjonssjef Kristin Solbjør i Språkrådet.

– Språkrådet har overtatt tilsynet med målbruken i departementa frå Kulturdepartementet, og derfor har vi bedt om eit møte med departementa og DSS for å høyre meir om tekstproduksjonen deira, kor dei meiner skoen trykkjer, og kva vi eventuelt kan gjere for å hjelpe, seier Solbjør.

LES OGSÅ: Språkdirektøren: – Ser ikkje så bra ut

– Eit stykke igjen å gå
Språkrådet trur den nye språkvekslingsløysinga kan fungere, men føreset i invitasjonen at departementa og DSS er einige i at det er viktig at alle skal kunne føle seg heime, språkleg sett, på «landets mest sentrale offentlige nettsted».

– Vi synest det kan vere bra med målveksling på Regjeringa.no, men da må begge målformene vere godt synlege. Vi såg at det var lite nynorsk i starten, men det har tatt seg opp. Dei har enno eit stykke igjen å gå, men det kjem seg, seier Solbjør.

Med det nye ansvaret for mållovstilsynet med departementa lover Språkrådet å følgje opp målbruken i departementa jamleg framover. (©NPK)

NYNORSK INSPIRASJON

Kurstilbod for skular og barnehagar

Arbeidet for å styrkja språkopplæringa i det offentlege er ei prioritert oppgåve for Landssamanslutninga av nynorskkommunar (LNK). Kursa våre blir administrerte og gjennomførte av Fretland...

Språklova: Dette er dei viktige paragrafane for nynorskkommunane

Frå og med 1. januar 2022 er nynorsk og bokmål formelt jamstilte og likeverdige språk på alle samfunnsområde. Formålet med lova er...

Har kommunen din levert høyringssvar om ny opplæringslov?

Arbeidet med ny opplæringslov er svært viktig for nynorskelevane og nynorskkommunane. LNK oppmodar alle medlemskommunane sine om å setja tydelege krav til...

Nytt samarbeid skal styrka nynorsken i barnehagane

Pirion og Sunnfjord kulturskule har laga til ei digital kursrekkje som skal hjelpa til med å styrkja nynorskarbeidet i barnehagane.

Seks fine julebøker på nynorsk

Mange skular og barnehagar bruker adventstida til høgtlesing kvar dag. Her får du tips til fleire gode bøker på nynorsk med god...

Vil gi utviklingsstøtte til fleire nynorske produksjonar i Den kulturelle skulesekken

Kulturtanken, Seanse, Høgskulen i Volda og fleire fylkeskommunar samarbeider om å få meir nynorsk i Den kulturelle skulesekken i ei heilt ny...

MEST LESE

– Alt gjer seg betre på nynorsk

Prisvinnar Øystein Furevik gir folk nynorsk i ei verd prega av engelsk. For han er nemleg alt betre på nynorsk. – For meg er nynorsk...

Nynorsk kultursentrum stiller opp for Det Norske Teatret

Det Norske Teatret troppa opp på Festspela for å lansere si nye kampanje for å tette finaniseringsgapet som har utvikla seg samanlikna med Nathionaltheatret....

Nynorsk barnelitteraturpris til Markus Lantto og Camilla Kuhn

Forfattar Markus Lantto og illustratør Camilla Kuhn har fått Nynorsk barnelitteraturpris 2022 for boka Kåre og Marimba hjelper til gjeven ut på Samlaget. – Juryen...

Ber storsamfunnet syta for at retten til eige språk og kultur er reell

Landstinget til LNK Nynorskkommunane kom med støtte til samar, kvener, norskfinnar og skogfinnar. – Me i LNK Nynorskkommunane var samla til landsting same dag som...