Heim Nyhende To kvinner blir fylkesmenn

To kvinner blir fylkesmenn

Anne Karin Hamre blir ny fylkesmann i Sogn og Fjordane og blir dermed den første kvinnelege fylkesmannen i fylket. Valgjerd Svarstad Haugland blir ny fylkesmann i Oslo og Akershus.

– Anne Karin Hamre kjenner kommunane og livet i Sogn og Fjordane gjennom jobben som assisterande fylkesmann. Ho har den nødvendige erfaringa for å fylle rolla, sa fornyings-, administrasjons- og kyrkjeminister Rigmor Aasrud då ho offentleggjorde kven som blir den nye fylkesmannen på ein pressekonferanse i dag, skriv Sogn Avis.

Aasrud sa at ho var ekstra stolt over at det i dag vart utnemnd to kvinneleg fylkesmenn.

Anne Karin Hamre var på plass på pressekonferansen i Oslo, der ho takka for tilliten.

– Eg gler meg til å ta fatt på jobben, og eg startar alt neste veke, kunne Hamre opplyse om.

Ho trekte fram at Sogn og Fjordane er eit fantastisk spanande fylke.

– Men me har også utfordringar, som samferdsle, sjukehusstrid og folketal. Det er mykje å ta fatt i, og eg gler meg til å byrje, sa Hamre.

Anne Karin Hamre (45) skreiv historie då Kongen i statsråd i dag utnemnte ho til ny fylkesmann. Etter det Rigmor Aasrud kjenner til skal ho vere den første assisterande fylkesmannen som blir utnemnt til fylkesmann.

Ho er også første kvinne som blir fylkesmann i Sogn og Fjordane, og ho er ikkje politikar.

Hamre har vore assisterande fylkesmann sidan juli 2008. Ho har tidlegare hatt ulike stillingar i embetet, både som administrasjonssjef og rådgjevar. Ho er cand. polit. med hovudfag i statsvitenskap frå Universitetet i Bergen.

Også to menn vart oppnemnde som fylkesmenn i dag. Jørn Aksel Krog blir ny fylkesmann i Sør-Trøndelag, medan Svein Ludvigsen er oppnemnt for ein ny åremålsperiode i Troms. Fylkesmennene er tilsette på åremål for ein periode på seks år.

NYNORSK INSPIRASJON

Kurstilbod for skular og barnehagar

Arbeidet for å styrkja språkopplæringa i det offentlege er ei prioritert oppgåve for Landssamanslutninga av nynorskkommunar (LNK). Kursa våre blir administrerte og gjennomførte av Fretland...

Språklova: Dette er dei viktige paragrafane for nynorskkommunane

Frå og med 1. januar 2022 er nynorsk og bokmål formelt jamstilte og likeverdige språk på alle samfunnsområde. Formålet med lova er...

Har kommunen din levert høyringssvar om ny opplæringslov?

Arbeidet med ny opplæringslov er svært viktig for nynorskelevane og nynorskkommunane. LNK oppmodar alle medlemskommunane sine om å setja tydelege krav til...

Nytt samarbeid skal styrka nynorsken i barnehagane

Pirion og Sunnfjord kulturskule har laga til ei digital kursrekkje som skal hjelpa til med å styrkja nynorskarbeidet i barnehagane.

Seks fine julebøker på nynorsk

Mange skular og barnehagar bruker adventstida til høgtlesing kvar dag. Her får du tips til fleire gode bøker på nynorsk med god...

Vil gi utviklingsstøtte til fleire nynorske produksjonar i Den kulturelle skulesekken

Kulturtanken, Seanse, Høgskulen i Volda og fleire fylkeskommunar samarbeider om å få meir nynorsk i Den kulturelle skulesekken i ei heilt ny...

MEST LESE

Kan nokon snart skru av internett?

Internett har tatt kontroll over norske klasserom. Vi må endre den digitale skulekvardagen. Internett har kome for å bli. Det opnar verda og både spreier...

Høgre vil svekkje nynorsken for å styrkje ungdomsskulen

– Ungdomsskulereforma til Høgre er eit dårleg skjult åtak på nynorsken, seier leiar i Noregs Mållag, Peder Lofnes Hauge. Høgre vil fjerne karakteren i skriftleg...

Jorid Lekve Eide blir ny arenaleiar ved Haugesenteret

Jorid Lekve Eide er tilsett som ny arenaleiar ved Haugesenteret i Ulvik. Ho tek over etter Geir Netland som etter 10 år i stillinga...

Aina Basso er årets festivalforfattar på Falturiltu

Aina Basso har turnert landet rundt med spennande formidlingar og til hausten vil Falturiltu løfta fram heile forfattarskapen hennar under årets tema: FAKTISK og...