– Ferjefri E39 er ei nødvendig framtidsinvestering, seier NHO-president Tore Ulstein.

Nye utrekningar viser kor mykje utbygginga av ein ferjefri E39 vil ha for næringslivet i regionen og at deler av vegane kan nedbetalast raskt.

Handelshøyskolen BI har på oppdrag frå NHO rekna på dei økonomiske konsekvensane av sju store bru- og tunnelprosjekt langs kysten mellom Kristiansand og Trondheim (sjå faktaboks!).

– Endeleg får me på bordet nye perspektiv som for eksempel viser at eit samband mellom Haugesund og Stavanger kan nedbetalast på under to år. Det vil gi regionen eit stort økonomisk løft, seier NHO-president Tore Ulstein.

LES OGSÅ: Opnar for superfart på E39

Ulstein meiner dei nye tala bør få politikarane til å setja eit ferjefritt samband på Vestlandet øvst på prioriteringslista.

– No er det snart på plass fire felts veg frå Larvik, Sverige og Hamar til Oslo – og det kjem intercitytog i dei same områda. Då bør det neste store samferdselsløftet vera å bygga fjordsambanda på Vestlandet, som vil få enkeltregionane til å blomstra. Vestlandet treng eit slikt løft og eg er overtydd om at det er ei heilt nødvendig framtidsinvestering, seier Ulstein.