Sender bekymringsmelding til kunnskapsministeren
– Utdanningsdirektoratet sitt framlegg til ny læreplan i norskfaget bryt til dels med norsk språkpolitikk, åtvarar Arnfinn Muruvik Vonen, direktør i Språkrådet.
Øvst på nynorskstatistikken
Kommunal- og regionaldepartementet er flinkast i klassa på nynorsk, i alle fall når ein måler bruken av nynorsk i departementa.
– Historisk godt nynorskvedtak i LO
LO-kongressen har gått samrøystes inn for å arbeide for jamstilling mellom nynorsk og bokmål.
Fleirtal for bokmål i Sauherad
Folkerøystinga over skulemålform i Sauherad kommune denne veka viste at 60 prosent vil ha bokmål, medan 40 prosent vil ha nynorsk. Valdeltakinga var på 15 prosent.
Nynorskoppgåve til besvær
Elevane som skulle avleggje eksamen i finansrekneskap ved Høgskolen i Ålesund sist veke kunne ikkje endre teksten frå bokmål til nynorsk, då ville oppgåva kunne slå krøll på seg.
Historisk leiarsamling
LNK fyller 20 år i år, og sjølv om det ikkje var noka stor sak på landstinget, passa det godt å setje pris på tidlegare og noverande leiarar.
Startar med snøbrett
Frå hausten av utvidar Sauda vidaregåande skule tilbodet med ei heilt ny ski- og snøbrettlinje. Her skal elevane få opptil 12 timar i veka på ski og snøbrett så lenge det er snø.
Vil avskaffe sidemålseksamen
Høgre sitt landsmøte vedtok i ettermiddag at partiet vil avvikle ordninga med eksamen i sidemål både på ungdomsskulen og i vidaregåande.
Vil gjere Fræna språkleg nøytral
Plan- og økonomiutvalet i nynorskkommunen Fræna i Møre og Romsdal gjekk denne veka inn for å gjere kommunen språkleg nøytral.
Klart språk
LEIAR: No kjem klarspråksprosjektet til kommunar og fylkeskommunar. Kommunane skal no nyte godt av erfaringane frå arbeidet med å få tilsette i staten til å skrive eit godt, konsist og lett forståeleg språk. Så bra – det vil mange ha glede av.
Det er fagforumet for informasjons- og kommunikasjonsarbeid i kommunar og fylkeskommunar, Kommunik, som saman med Forum for offentlig service og KS har sett i gang klarspråksprosjektet i kommunane. Meininga er at ein skal få i gang nokre pilotkommunar allereie frå hausten av.
Målet er eit enklare språk som når fleire av innbyggjarane.
I denne avisa møter me saksbehandlarar i nynorskkommunar som kom til jobben med bokmålsbakgrunn, og som har lært seg nynorsk på nytt. Dei legg ikkje skjul på at det må god opplæring og oppfølging til for at overgangen skal bli så lett som mogleg.
– Kurs, kurs og kurs, seier økonomisjef i Os kommune, Ingrid Karin Kaalaas, på spørsmålet om kva som må til for at bokmålsskrivande skal bli skriveføre tilsette i nynorskkommunar. Sjølv kom ho frå bokmålsbyen Bergen til nynorskkommunen Os for 21 år sidan. Ho meiner det er endå vanskelegare å gjere språkbytet i dag enn det var då. No er det fleire val i språket, og det gjer det i alle fall ikkje enklare, meiner Kaalaas.
Kanskje vil eit klarspråksprosjekt, som tek mål av seg å gje publikum eit enklare og meir brukartilpassa språk, også gje bokmålsskrivande saksbehandlarar ein enklare overgang når dei skal arbeide i ein nynorskkommune.
Kanskje kan det også gje fleire søkjarar til jobbane i nynorskkommunar?