Ivar Aasen sitt dikt ”Nordmannen” speler hovudrollen i Aker-selskapa sin nye reklamefilm. Målet er å vise fram norsk industri og dei verdiane dei tilsette skapar.
Raudt svarar om språk
Torstein Dahle og Raudt vil ha sidemålspedagogikk som ein del av lærarutdanninga.
– Viktig å spegle mangfaldet
Kringkastingssjef Hans -Tore Bjerkaas i NRK vil tilsetje fleire nynorskjournalistar og setje språk på dagsorden.
Venstre svarar om språk
Venstre har fått pes for ikkje å ha partiprogrammet på nynorsk. No lovar Lars Sponheim at det skal vere på plass denne veka.
Sp svarar om språk
Liv Signe Navarsete og Senterpartiet ønskjer sidemålet inn på eit tidlegare tidspunkt enn i dag.
SV svarar om språk
Fram mot valet spør LNK partia kva dei vil med det norske språket og nynorsken. Først ute er partileiar for SV, Kristin Halvorsen.
Barna får eigen dagsrevy
Neste år startar NRK med eigne nyheitssendingar for barn i alderen 8 til 12 år.
Første nynorskklasse på Minde skole
Klasse 2c ved Minde skole i Bergen er den første nynorskklassen som nokon gong har eksistert på Minde skole i Bergen.
Folketalet aukar i fleire utkantkommunar
Frå fyrste halvår 2006 til fyrste halvår 2009 hadde 76 fleire kommunar befolkningsvekst. Av desse var 40 utkantkommunar.
– Det er særleg gledeleg at trenden med vekst i folketalet i fleire utkantkommunar held fram, seier kommunal- og regionalminister Magnhild Meltveit Kleppa i ei pressemelding.
Medan det i 2006 var 202 kommunar med auke i folketalet, hadde 278 kommunar i 2009 fått fleire innbyggjarar. Blant dei 177 minst sentrale kommunane i landet, var det altså ein auke frå 43 til 83 kommunar som hadde vekst i folketalet i perioden.
Dette er òg fyrste gong i perioden 1998–2009 at dei spreiddbygde strøka av landet samla har hatt befolkningsauke. Mesteparten av endringa ser ut til å koma av ei auka tilflytting til småkommunane i form av innvandring, samtidig som det er mindre innanlandsk fråflytting enn det har vore dei seinare åra.
– Sjølv om trendane no er positive mange stader i landet, krevst det ein langsiktig og kraftfull innsats for at folk skal få ein reell valfridom i val av bustad, påpeikar Kleppa.
Samla sett var det befolkningsauke i alle strøk av landet. Tal frå SSB syner at om lag 2/3 (278 av 430) av kommunane hadde vekst i folketalet i fyrste halvår 2009. (©NPK)