I samband med Rasmus Løland sin fødselsdag opnar ei ny skrivarhytte på Lindum i Suldal. Norske forfattarar kan søke om å få bu gratis i hytta nokre månader i året.

– I periodar kor det er gjester i hovudhuset kan forfattaren også få ete gratis, fortel initiativtakarane Annfrid Halsne og Kristin Høyvik ved Lakseslottet Lindum. Skrivarhytta vil vere tilgjengeleg mellom Rasmus Lølands fødselsdag 24. mai og dødsdagen hans 12. oktober.

Hytta er sDiktarvegen får skrivarhytte

Av LNK NYTT 23.mar.2009

I samband med Rasmus Løland sin fødselsdag opnar ei ny skrivarhytte på Lindum i Suldal. Norske forfattarar kan søke om å få bu gratis i hytta nokre månader i året.

– I periodar kor det er gjester i hovudhuset kan forfattaren også få ete gratis, fortel initiativtakarane Annfrid Halsne og Kristin Høyvik ved Lakseslottet Lindum. Skrivarhytta vil vere tilgjengeleg mellom Rasmus Lølands fødselsdag 24. mai og dødsdagen hans 12. oktober.

Hytta er sett opp på 60-talet og det gjenstår enno litt flikking før hytta er heilt klar. – Vi håper at denne hytta vil vere med og gjere både Diktarvegen og Lølandssatsinga enno meir synleg, seier Halsne og Høyvik.ett opp på 60-talet og det gjenstår enno litt flikking før hytta er heilt klar. – Vi håper at denne hytta vil vere med og gjere både Diktarvegen og Lølandssatsinga enno meir synleg, seier Halsne og Høyvik.

Over halvparten av kommunane hadde eit negativt netto driftsresultat i 2008, viser dei foreløpige kostra – tala. – 2008 var eit unntaksår, seier kommunal – og regionalminister Magnhild Meltveit Kleppa til Kommunal Rapport.

– Eit netto driftsresultat på 0,4 prosent for kommunesektoren er sjølvsagt mykje lågare enn ein kunne ynskje, slår Kleppa fast i avisa.

Ho er likevel optimist for det komande året og meiner kommunebudsjettet for 2009 vil gjere kommunane i stand til å konsolidere stillinga, og ikkje minst betre resultatet.
KS-leiar Halvdan Skard er på si side bekymra.

– Me tok opp situasjonen i eit konsultasjonsmøte med regjeringa nyleg. Kostnadsauken i 2008 var høgare enn ein såg på forhand og kommunane har ikkje slått på bremsene fordi dei ynskjer å oppretthalde tilbodet til innbyggarane. Me ser at aktiviteten har auka, både i skule, pleie- og omsorg og barnehagar, seier Skard til Kommunal Rapport og viser til at regjeringa delvis har teke grep om situasjonen.

– Utgiftene må kuttast dei neste åra viss ikkje inntektene aukar meir, slår Skard fast.

Kleppa meiner det er gledeleg at kostra-tala viser at kommunane har satsa på å styrke velferdstenester som omsorg, barnehagar og skule, og seier til Kommunal Rapport at den raudgrøne regjeringa har gitt kommunane 30 milliardar meir enn i førre periode.

Klepp Mållag har oppfordra Klepp kommune til å melda seg inn i LNK. Formannskapet har no sendt saka vidare til kommunestyret.

Framlegget om å melde seg inn i Landssamanslutninga av nynorskkommunar (LNK) vart fremja av varaordførarar Torbjørn Hovland (KrF).

– Eg foreslår at me melder oss inn. Nynorsken er under press, samtidig som ein ser meir bruk, blant anna i media. Foreldre skal sjølvsagt ha rett til å velja målform for sine barn, men eg tykkjer at det er urovekkjande at over halvparten av elevane på Orstad skule har bokmål som sitt hovudmål. Nynorsk har med identitet og røter å gjera, og burde stå sterkt her i Klepp, meinte Hovland i fylgje Jærbladet.

Men forslaget møtte motbør og vart til slutt sendt vidare til kommunestyret for ei endeleg avgjerd.

– Dette er ei ømtolig sak for mange, så eg tykkjer det blir rett at alle får sjansen til å seie sitt, sa ordførar Elfin Lea (H)

I dag startar ein statleg kampanje for å få fleire kvalifiserte søkarar til lærarutdanninga.

Potensielle lærarstudentar kan mellom anna gå inn på nettstaden hardudetideg.no og ta ein test for å sjå om dei har det som trengst for å bli ein god lærar. Reklame på TV og Internett skal og vere med og gje merksemd til lærarutdanninga.

Kampanjen GNIST er ein del av regjeringa si satsing på auka kvalitet i den norske skulen og er eit samarbeidsprosjekt mellom Kunnskapsdepartementet, utdanningsinstitusjonar, fagforeningar og studentorganisasjonar. Kampanjen skal pågå i tre år og har ei konstnadsramme på 20 millionar kroner.

Studentavisa i Bergen, Studvest.no, seier i ein kommentar i dag at ei slik satsing har lite for seg utan at ein følgjer opp med betre lønn til lærarane.

» Fleire nyhende

I dag startar ein statleg kampanje for å få fleire kvalifiserte søkarar til lærarutdanninga.

Potensielle lærarstudentar kan mellom anna gå inn på nettstaden hardudetideg.no og ta ein test for å sjå om dei har det som trengst for å bli ein god lærar. Reklame på TV og Internett skal og vere med og gje merksemd til lærarutdanninga.

Kampanjen GNIST er ein del av regjeringa si satsing på auka kvalitet i den norske skulen og er eit samarbeidsprosjekt mellom Kunnskapsdepartementet, utdanningsinstitusjonar, fagforeningar og studentorganisasjonar. Kampanjen skal pågå i tre år og har ei konstnadsramme på 20 millionar kroner.

Studentavisa i Bergen, Studvest.no, seier i ein kommentar i dag at ei slik satsing har lite for seg utan at ein følgjer opp med betre lønn til lærarane.

» Fleire nyhende

Kultur- og oppvekstutvalet i Sandes har bestemt at gatenamn i bestemt form skal heite «gata» og ikkje «gatå», slik mellom andre mållaget i Sandnes ønskte.

Overordna reglar frå Kultur- og kyrkjedepartementet seier at stadsnamn i hokjønn som ein hovudregel skal ha a-ending, men at det er rom for eit visst lokalt skjønn. Før jul 2008 bad kultursjefen i Sandnes bydelsutvala uttale seg om kva praksis ein ønskte å leggje seg på i framtida, a-endingh eller å-ending, og 70 prosent av bydelsutvala gav uttrykk for at dei ønskte å-ending, melder Stavanger Aftenblad. Sandnes mållag har og gitt uttrykk for at dei ønskjer å-ending som hovudform.

I kultur- og oppvekstutvalet sitt møte måndag 16. mars landa likevel utvalet på eit vedtak om at a-ending framleis skal vere hovudregel, men at å-ending kan brukast viss det er særlege grunnar som talar for det.

Gosen skole i Stavanger og Trøndelag Teater fekk i dag Gullsekken – den kulturelle skulesekken sin eigen pris.

Gosen skole i Stavanger fekk prisen for arbeidet med den årvisse elevrevyen Gosenrevyen, medan Trøndelag Teater  fekk prisen for beste produksjon for oppsettinga «Kulde».

Prisen vart delt ut på Hamar i ettermiddag, og båe vinnarane fekk 100 000 kroner kvar til vidare arbeid med kultur.

Tor Fuglevik fekk ikkje vervet som 2.vara i Oslo Redaktørforening på grunn av utspela han har hatt om pressestøtte.

Fuglvik har tidlegare uttalt at aviser som får statleg støtte, bør tvingast til å bruka noko nynorsk i spaltene sine.

Tor Fuglvik var ikkje til stades på årsmøtet, men seier til at han gjerne skulle vore vitne til dramatikken på møtet. 

– Etter det eg har fått referert i ettertid prioriterte eg tydelegvis feil i år, seier han til NA24 Propaganda, og legg til at han ikkje tek tapet svært tungt.

Les meir her.

Regjeringa vil bruke 321,9 milliardar kroner til samferdsletiltak fram til 2019. I tillegg kjem 60 milliardar i bompengar, skriv Kommunal Rapport.

Regeringa la fram Nasjonal Transportplan i dag, fredag.

– Dei neste ti åra skal me bruke i alt 321,9 milliardar kroner over statsbudsjettet til utbygging, drift og vedlikehald av veg- og jernbanenettet og til tiltak i havner. Det er 100 milliardar kroner eller 45 prosent meir enn i førre Nasjonal transportplan, seier samferdselsminister Liv Signe Navarsete (Sp) til Kommunal Rapport.

Blant anna satsar regjeringa no på dobbeltspor på jernbanen frå Oslo til Lillehammer, Skien og Halden, samt opprustning av E6 fra nord til sør, E16 frå aust til vest og kyststamvegen frå Stavanger til Trondheim. 10 milliardar kroner er sett av til rassikring i perioden.

Norsktalande barn fell utanfor i samiske barnehager fordi dei ikkje forstår språket godt nok, skriv NRK.

Dette meiner forsker Marianne Storjord som har skrive doktorgrad i pedagogikk ved Universitetet i Tromsø .

Ho har basert feltarbeidet sitt på to barnehagar, ein i Indre-Finnmark, og ein i ein kystkommune.

– Spesielt i Indre-Finnmark, der dei andre barna bruker mykje samisk, vil ikkje dei norsktalande barna kunne gå inn i leikeprosesser. Dei vil ikke forstå kva som skjer, seier Storjord til NRK og legg til:

– Dei trekk seg ut, dei får jo ikkje med seg dei sosiale samhandlingane. Dermed vil dei ikkje trivast i barnehagen. Viss ditt eige språk ikkje er godt nok, så vil du ikkje få eit særleg positivt forhold til din eigen identitet. Det kan jo vere skadeleg på lang sikt

Fire av i alt 23 nominerte til Kultur- og kyrkjedepartementets pris for barne- og ungdomslitteratur utgitt i 2008 har laga nynorskbøker.

Dei fire er:

Bjørn Sortland, Alle har eit sultent hjerte, er nominert til litteraturprisen.
Stein Erik Lunde (forfattar) og Øyvind Torseter (illustratør), Eg kan ikkje sove no, båe to er nominerte til bildebokprisen
Kari Stai, Jakob og Neikob, er nominert til debutantprisen

Prisen blir delt ut kvart år til fjorårets beste barne- og ungdomsbøker. Utdelinga skjer den 20. mars på Nasjonalbibliotekets store auditorium i Oslo, og det er kulturminister Trond Giske som står for utdelinga.

Heile lista over nominerte finn du her.

Stortinget har løyvd 35 millionar kroner ekstra til tilrettelegging av statlege friluftslivsområde som del av regjeringas tiltakspakke for auka sysselsetjing.

Det totale beløpet til denne type tiltak er dermed 57 millionar kroner.

Aktuelle tiltak i friluftslivsområda vil vera å byggja toalett og bryggjer, opparbeide tur-, gang-, og sykkelstigar gjennom områda, laga parkeringsplassar i tilknyting til områda, gjera områda tilgjengelege for funksjonshemma og setja opp informasjonstavler.

På landsbasis er omkring 2.000 område sikra gjennom statleg eigarskap, og det er utarbeidd ei rekkje forvaltningsplanar med sikte på at viktige friluftsområde kan bli betre opparbeidde og meir tilgjengelege for folk flest.

Direktoratet for naturforvaltning (DN) har fordelt tiltaksmidlane mellom fylka på grunnlag av innmelde behov. Dei innmelde behova kom opp i 150 millionar kroner. Størst tildeling går til Vestfold, Vest-Agder, Hordaland og Møre og Romsdal.

I tillegg har DN tildelt pengar til skjøtsel og tilrettelegging av tidlegare forsvarseigedommar.

Også Friluftsrådenes Landsforbund og dei interkommunale friluftsråda er styrkte med to millionar kroner, som del av tiltakspakka. Dette for hurtig å kunne gjennomføre tilretteleggingstiltaka.

Målet med tiltakspakka er at pengane skal auke sysselsetjinga og dempe verknaden av den internasjonale finansuroa på norsk økonomi. Ho skal i hovudsak gå til aktivitetar som kan bli gjennomførte våren og sommaren 2009. (©NPK)