Heim Innspel Dokker fekk nokon nye skrivemåtar

Dokker fekk nokon nye skrivemåtar

Den nye rettskrivinga for nynorsk har vore i bruk i meir enn to år, og det kan vera på tide å sjå litt på om nokon av dei nye formene er på hogget.

 

Denne gongen ser eg på to nye former i dei personlege pronomena. Me hugsar at i den gamle rettskrivinga skilde ein mellom nokre og nokon, slik at ein skulle bruka nokre i forteljande setningar, men nokon i nektande og spørjande setningar. Det nye er at du no kan bruka nokon i alle samanhengar, også i setningar som den i overskrifta, eller i denne: Northug hadde nokon kort i ermet. Me som les ein del nynorsk i jobben vår, ser at denne bruken av nokon alt er teken i bruk. Men hugs at du framleis kan bruka det gamle skiljet mellom dei to formene.

Nokon-forma har det vore lite diskusjon om. Derimot har mange uttrykt ein viss skepsis til det nye pronomenet dokker med eigeforma dokkar, som er eit alternativ til det etablerte de, dykk og dykkar. Du kan altså no skriva til dømes: Dokker slo dokker på knea dokkar, i staden for De slo dykk på knea dykkar. Dokker-forma kom opp etter at rettskrivingsnemnda fekk tommelen ned for framlegget om å bruka dykk også som subjekt: *Dykk slo dykk. Eg har ikkje sett dokker-forma i bruk særleg mykje så langt. Men då eg heldt nynorskkurs på Sortland videregående skole i november, møtte eg lektorar som var svært fornøgde med den nye forma. Dei hadde innført dokker med ein gong, sidan det stemmer med dialekten i Vesterålen. Så kanskje er dette ei form som kan gjera nynorsken litt kjekkare å bruka  for elevar som i utgangspunktet er noko skeptiske til språket vårt.  

NYNORSK INSPIRASJON

Kurstilbod for skular og barnehagar

Arbeidet for å styrkja språkopplæringa i det offentlege er ei prioritert oppgåve for Landssamanslutninga av nynorskkommunar (LNK). Kursa våre blir administrerte og gjennomførte av Fretland...

Språklova: Dette er dei viktige paragrafane for nynorskkommunane

Frå og med 1. januar 2022 er nynorsk og bokmål formelt jamstilte og likeverdige språk på alle samfunnsområde. Formålet med lova er...

Har kommunen din levert høyringssvar om ny opplæringslov?

Arbeidet med ny opplæringslov er svært viktig for nynorskelevane og nynorskkommunane. LNK oppmodar alle medlemskommunane sine om å setja tydelege krav til...

Nytt samarbeid skal styrka nynorsken i barnehagane

Pirion og Sunnfjord kulturskule har laga til ei digital kursrekkje som skal hjelpa til med å styrkja nynorskarbeidet i barnehagane.

Seks fine julebøker på nynorsk

Mange skular og barnehagar bruker adventstida til høgtlesing kvar dag. Her får du tips til fleire gode bøker på nynorsk med god...

Vil gi utviklingsstøtte til fleire nynorske produksjonar i Den kulturelle skulesekken

Kulturtanken, Seanse, Høgskulen i Volda og fleire fylkeskommunar samarbeider om å få meir nynorsk i Den kulturelle skulesekken i ei heilt ny...

MEST LESE

– Eit svik mot nynorskelevane 

Utdanningskomiteen har no lagt fram innstillinga si til ny opplæringslov. Trass i tydelege krav frå alle hald om at læringsressursar som er utvikla til...

Nynorsk-tap på Stortinget: – Ekstremt skuffande

Utdanningskomiteen på Stortinget har i dag sagt nei til å sikre nynorske læringsressursar som er laga for skulen. – Det er heilt uforståeleg at fleirtalet...

Skriv nynorsk på nynorskdagen 12. mai

– Vi utfordrar alle i Noreg til å skrive nynorsk i dag. Nynorsk er for alle, og på nynorskdagen er det lov å prøve,...

Tre millionar til nynorskbrukarane

Nynorsk kultursentrum får til saman tre millionar i eingangstilskot på revidert nasjonalbudsjett. – Dette er svært! Desse midlane skal vi bruke klokt i tett samarbeid...