Heim Innspel Krokodilletårene skvett!

Krokodilletårene skvett!

I Utdanningsdirektoratet kviler dei aldri, i sut for at elevane skal bli flinke til å lesa og skriva. Særleg i hovudmålet, og særleg viss det er bokmål det er snakk om. Det er få som kan nynorsk i den butikken.

Dei fekk lokka kunnskapsminister Kristin H. til å gå inn for reduserte krav til sidemål, så dei stakkars elevane ikkje skulle ha den plaga, nedtyngde som dei er frå før. Det var visst nokre ungdomsskuleelevar frå Oslo som hadde vore på besøk hjå statsråden, og dei hadde skildra lidingane sine. Slikt gjer inntrykk, må vita. Ho hadde visst ikkje snakka med elevar frå Nynorskland. I direktoratet hadde dei visst heller ikkje sjekka nyare forsking på området, som seier at å skriva og bli prøvd i eit språkfag er viktigaste motivasjonen for å læra faget. Direktoratet har nok heller ikkje fått med seg at forsking, mellom anna frå Canada, syner at elevar som lærer seg fleire språk tidleg, ofte får ei betre utvikla språkevne.

Så denne omsuta for nynorsk, berre elevane slepp å læra seg språket skikkeleg, er noko herk. Eg tykkjer det er meir reieleg med Unge Høgre-slagordet «La dem raute!» Det er vulgært og toskete og stemplar dei som skriv, på ein presis og tydeleg måte. Vankunna skal strø om seg med billege slagord. Men verre er det med folk som er kunnskapsrike og kanskje vil nynorsken vel, når dei går inn for å redusera nynorskundervisninga.

Det kan vera at me målfolk er for aggressive og påstendige, sjølvsagt. Me burde sikkert vera meir opne for alternative prøveformer og eksamenstidspunkt og iallfall arbeida hardt for å utvikla nye og varierte metodar for å læra nynorsk. Statsråden har til dømes ymta frampå om ekstra studiepoeng for nynorskbrukarar. Ho har òg trekt årane mest heilt inn etter ho kunngjorde framlegga ho fekk frå direktoratet. Problemet er berre at når eit slikt utspel kjem, går alle rett i skyttargravene. Målfolka rasar, Unge Høgre jublar, og så går det ei god stund før ein kan diskutera nynorsk på sakleg vis att. Slik er det.

 

NYNORSK INSPIRASJON

Kurstilbod for skular og barnehagar

Arbeidet for å styrkja språkopplæringa i det offentlege er ei prioritert oppgåve for Landssamanslutninga av nynorskkommunar (LNK). Kursa våre blir administrerte og gjennomførte av Fretland...

Språklova: Dette er dei viktige paragrafane for nynorskkommunane

Frå og med 1. januar 2022 er nynorsk og bokmål formelt jamstilte og likeverdige språk på alle samfunnsområde. Formålet med lova er...

Har kommunen din levert høyringssvar om ny opplæringslov?

Arbeidet med ny opplæringslov er svært viktig for nynorskelevane og nynorskkommunane. LNK oppmodar alle medlemskommunane sine om å setja tydelege krav til...

Nytt samarbeid skal styrka nynorsken i barnehagane

Pirion og Sunnfjord kulturskule har laga til ei digital kursrekkje som skal hjelpa til med å styrkja nynorskarbeidet i barnehagane.

Seks fine julebøker på nynorsk

Mange skular og barnehagar bruker adventstida til høgtlesing kvar dag. Her får du tips til fleire gode bøker på nynorsk med god...

Vil gi utviklingsstøtte til fleire nynorske produksjonar i Den kulturelle skulesekken

Kulturtanken, Seanse, Høgskulen i Volda og fleire fylkeskommunar samarbeider om å få meir nynorsk i Den kulturelle skulesekken i ei heilt ny...

MEST LESE

– Eit svik mot nynorskelevane 

Utdanningskomiteen har no lagt fram innstillinga si til ny opplæringslov. Trass i tydelege krav frå alle hald om at læringsressursar som er utvikla til...

Nynorsk-tap på Stortinget: – Ekstremt skuffande

Utdanningskomiteen på Stortinget har i dag sagt nei til å sikre nynorske læringsressursar som er laga for skulen. – Det er heilt uforståeleg at fleirtalet...

Skriv nynorsk på nynorskdagen 12. mai

– Vi utfordrar alle i Noreg til å skrive nynorsk i dag. Nynorsk er for alle, og på nynorskdagen er det lov å prøve,...

Tre millionar til nynorskbrukarane

Nynorsk kultursentrum får til saman tre millionar i eingangstilskot på revidert nasjonalbudsjett. – Dette er svært! Desse midlane skal vi bruke klokt i tett samarbeid...