Sture valt til ny leiar i Norsk Målungdom
Sture valt til ny leiar i Norsk Målungdom
Publisert: 26.03.2012 10:41
(NPK-NTB): Vebjørn Sture (24) frå Stavanger blei søndag valt til ny leiar i Norsk Målungdom. Han framhevar norskfaget som ein av dei viktigaste sakene for året som kjem.
Han blei valt ved akklamasjon på landsmøtet til Norsk Målungdom på Voss søndag.
– Det neste året blir ein norskfagsmaraton fram mot læreplanrevisjonane våren 2013. Vårt oppdrag er å sørgje for at norskfaget skal bli eit fag som gjer elevane skriveføre i både bokmål og nynorsk, uansett kva dei har som hovudmål. Det er dessverre ikkje alltid tilfelle i dag, seier Sture.
Sture er også opptatt av organisasjonsvekst. Målet er å gjere Norsk Målungdom større og sterkare.
Sture blei i 2004 lokallagsleiar i Norsk Målungdom i Stavanger. Året etter blei han medlem i landsstyret. Dei siste fem åra har han hatt fleire roller i sentralleddet i organisasjonen, blant anna som økonomiansvarleg og nestleiar. Sture er utdanna snikkar og vaks opp med bokmål som hovudmål, men bytta til nynorsk som hovudmål på vidaregåande skule. (©NPK)
npk@npk.no
Bilde: syb248dc
Vebjørn Sture er ny leiar i Norsk Målungdom (Foto: Odin H. Omdal).
Vebjørn Sture (24) frå Stavanger blei søndag valt til ny leiar i Norsk Målungdom. Han framhevar norskfaget som ein av dei viktigaste sakene for året som kjem.
Bokmelding: Tørrvittig, kort og godt
Dei tek ikkje tran i Texas er den fjerde humorboka frå reklamemannen, tekstforfattaren og humoristen Sigmund Falch sin penn.
Alle dei fire bøkene har same oppbygning. Falch leitar fram gamle svart-kvitt-bilete i arkiva til Nasjonalbiblioteket og museum. Han skriv små tekstar til bileta på nynorsk. Desse tekstane er humoristiske og har ingen samanheng med kva biletet eigentleg formidlar.
Kanskje høyrest det keisamt ut? Det er det ikkje. Dei tek ikkje tran i Texas er ei ypparleg bok å setje seg ned med ein kveld regnet renn trøysteslaust ned over vindauget. Ho vil garantert få deg i betre humør. Desse bøkene er dessutan ypparlege å dele med andre, anten på fest eller ved frukostbordet.
Kommentarane til dei staute bileta er tørre som den beste opptenningsved, men det er nettopp kombinasjonen av desse knusktørre kommentarane og dei for oss litt rare, oppstilte og alvorlege bileta som bringar smilet fram i munnvika. Viss du sit på eiga hand med boka, er det ikkje sikkert du kjem til å gapskratte, men ei god humring er heller ikkje å forakte.
Alle finn sine eigne favorittbilete og -kommentarar i desse bøkene. Og det beste av alt med Sigmund Falch sine bøker er at du kan ta dei fram igjen og igjen og stadig finne noko nytt å le av.
Nynorskpris til Bryn og Riise
Journalistane Ingvild Bryn i NRK og Arill Riise i TV2 er Årets nynorskbrukarar 2012.
Distriktskommunane utnyttar ikkje moglegheitene mangfald gir
Distriktskommunane utnyttar ikkje moglegheitene mangfald gir
Publisert: 23.03.2012 11:42
(NPK): – Kommunane har ikkje tatt inn over seg dei moglegheitene mangfaldet av innbyggjarar gir, seier direktør Halvor Holmli i Distriktssenteret.
Fredag kom rapporten «Derfor blir vi her», om kva som gjer at innvandrarar blir buande i norske distriktskommunar. Den formidlar forteljingar frå innvandrarar i dei tre kommunane Vestvågøy, Tynset og Haram. Både flyktningar, arbeidsinnvandrar og familieinnvandrarar er med i undersøkinga.
– Her er ingeniørar frå Tyskland og flyktningar frå Somalia, i eit forsøk på verkeleg å illustrere spennet i det mangfaldige Noreg anno 2012, seier Holmli i ei pressemelding.
For lite heilskapleg
Dei har svært få døme på kommunar som verkeleg har tatt på alvor at samansetjinga av folk i kommunen i dag er under stor forandring og utvikling.
– Sjølv om folk flest er høflege, vennlege og relativt positive til at innvandrarar buset seg i kommunen, så lever innvandrarbefolkninga meir på sida av enn saman med folk som bur i kommunen frå før, fortel Holmli.
Han meiner det er mykje bra integreringsarbeid i kommunane, men at arbeidet ikkje er heilskapleg.
– Verken på lokalt eller nasjonalt plan klarer vi å sjå distriktspolitikk og innvandringspolitikk i samanheng, meiner Holmli. – Må omfamne mangfaldet
I pressemeldinga viser senteret til at Distrikts-Noreg treng innvandrarar for å halde oppe befolkningsgrunnlaget og levestandarden. Holmli viser til at mange kommunar prøver seg på tilbakeflyttingsprosjekt med varierande suksess og at mange slit med å få tak i den rette kompetansen. Innvandrar kan vere løysinga, meiner han.
– Kommunar, næringsliv og frivillige må sjå at dei har felles interesser i å omfamne mangfaldet – både som kjerneverdi og i form av praktiske tiltak, seier han.
Rapporten viser døme på innvandrarar som stortrivst i distrikta og ønskjer å bidra aktivt og positivt til lokalmiljøet. Dei har ofte solid utdanning og kompetanse.
– Vi må møte dei aktivt, og rapporten foreslår fleire framtidsretta tiltak vi no vil vidareformidle til kommunal, privat og frivillig sektor, seier Halvor Holmli.
Det er Kompetansesenteret (KDU) for distriktsutvikling og Inkluderings- og mangfaldsdirektoratet (IMDi) som har finansiert studien, som er av utarbeidd Norsk institutt for by- og regionforsking (NIBR) (©NPK).
npk@npk.no
– Kommunane har ikkje tatt inn over seg dei moglegheitene mangfaldet av innbyggjarar gir, seier direktør Halvor Holmli i Distriktssenteret.
Vil røske opp i sidemålet
Til helga er det landsmøte i Norsk Målungdom. Også her blir det debatt om norskfag og sidemål.
– Høyr på dei unge
– Bygg Diktarvegen med kunnskap og kreativitet – og høyr med dei yngste korleis dei vil ha det. Eg blir blitt bekymra når eg står her og ser at gjennomsnittsalderen i salen er 50 år, sa den svenske kulturentreprenøren Putte Svensson Sahlin då han gjesta Diktarvegkonferansen på siste dagen.
Føreslår å gjere Tysvær språknøytral
Ordførar Harald Stakkestad (H) i Tysvær føreslår å gjere kommunen språknøytral.
Kleppa slo eit slag for Diktarvegen RV 13
– Det blir kamp om prioriteringane i Nasjonal Transportplan. De må engasjere dykk og halde fram med å kjempe for rute 13, sa samferdsleminister Magnhild Meltveit Kleppa då ho vitja Diktarvegkonferansen på Hotel Ullensvang i Lofthus denne veka. Konferansen starta i går kveld og blir avslutta i morgon.
– Betre veg langs rute 13
Noko av det viktigaste no blir å forankre Fjordvegen Diktarvegen i næringslivet langs rv. 13. Det sa styreleiar Solfrid Borge då ho opna Diktarveg-konferansen i dag.
Målpris til Miljeteig
Målpris til Miljeteig
Oddny Miljeteig har fått Hordaland Mållag sin målpris for 2012
– Eg trur me står ovanfor ein ny giv for nynorsken. Det vert uttrykt ein kjærleik og eit politisk engasjement for språket me ikkje har sett på lenge. Nynorsken må me ha, og nynorsken må styrkjast, sa SV-politikar Oddny Miljeteig då ho fekk prisen på Hordaland Mållag sitt årsmøte på Lindås på laurdag.
Etter at kunnskapsminister Kristin Halvorsen i januar gjekk ut og opna for å svekkja sidemålsordninga har Noregs Mållag fått 1700 nye medlemmer. Miljeteig har så langt verva 360 av desse.
– Oddny Miljeteig har arbeidd for nynorsken i 40 år og har vist eit stort engasjement, ikkje minst i den siste tida. Det kan henda at Kristin Halvorsen også hadde fortent prisen for å vekkja så mykje engasjement, men det er Oddny som fortener han mest, sa Martin Årseth, leiar i Hordaland Mållag.
Oddny Miljeteig har fått Hordaland Mållag sin målpris for 2012. Sidan Kristin Halvorsen sitt utspel om sidemålet i januar har ho verva 360 nye medlemmer til mållaget.
Datatilsynet meiner EU lagrar for mykje informasjon
Datatilsynet meiner EU lagrar for mykje informasjon
Publisert: 20.03.2012 08:48
(NPK-NTB): Datatilsynet meiner det er skremmande å sjå kor mykje informasjon EU lagrar om innbyggjarane sine. – Det blir lagra så mykje informasjon at ein ikkje klarer å utnytte han, meiner direktør Bjørn Erik Thon.
EUs overvakingsorgan kan finne ut kva du åt på flyturen til USA, kva for ei seksuell legning du har og kva politiske synspunkt du har. Og då har vi ikkje eingong nemnt datalagringsdirektivet.
– Det har aldri vore meir overvaking frå EU enn no, og det er totaliteten som er det mest skremmande. Terroråtaka skjerpar overvakinga, og teknologien gjer det mogleg og billigare å overvake, seier direktør i Datatilsynet Bjørn Erik Thon til Aftenposten.
I ein rapport utarbeidd av organisasjonen Digital Rights in Europe blir tryggleiks- og overvakingssystema som EU bruker pengar på skildra. Rapporten er kritisk til mange av prosjekta, men er samstundes støtta med pengar frå EU.
– Vi nærmar oss eit kjend problem som styresmaktene i USA har. Det blir lagra så mykje informasjon at ein ikkje klarer å utnytte han, meiner Thon.
Han håpar at EU også vil bruke pengar på å forske på personvernkonsekvensane av overvakinga. (©NPK)
Karoline@npk.no